جہانگیر ترین بھی کرونا کا شکار
باغی ٹی وی کی رپورٹ کے مطابق پی ٹی آئی رہنما جہانگیر ترین اور ان کی اہلیہ کو کورونا ہو گیا
جہانگیر ترین اور ان کی اہلیہ نے خود کو گھر میں قرنطینہ کرلیا، جہانگیر ترین نے بخاز ،کھانسی کی شکایت پر کرونا ٹیسٹ کروایا تو وہ مثبت آیا،جہانگیر ترین نے عوام سے دعائے صحت کی اپیل کی ہے .جہانگیر ترین کے ترجمان کا کہنا ہے کہ جہانگیر ترین اور ان کی اہلیہ کی طبیعت بہتر ہے،
سینیٹر مشاہد حسین سید بھی کورونا میں مبتلا ہوگئے مشاہد حسین نے کورونا ٹیسٹ مثبت آنے کے بعد خود کو قرنطینہ کرلیا .چیئرمین سینیٹ صادق سنجرانی نے کہا ہے کہ مشاہد حسین کو کورونا ہو گیا ہے، مشاہد حسین کی جلد صحتیابی کے لیے سب دعا کریں،
قبل ازیں گزشتہ روز وفاقی وزیر برائے منصوبہ بندی، ترقی و اصلاحات خسرو بختیار کی کورونا رپورٹ مثبت آ گئی تھی، اس سے قبل صدر مملکت ڈاکٹر عارف علوی، شہباز شریف، وزیر تعلیم شفقت محمود سمیت اہم شخصیات کرونا کا شکار ہو چکی ہیں
دوسری جانب این سی او سی نے کرونا کے پھیلاؤ کو روکنے کے لئے ہدایات جاری کی ہیں، این سی او سی کے مطابق کرونا کے پھیلاؤ کو روکنے اور صحت کے شعبے پر دباؤ کم کرنے کے لیے یہ گائیڈ لائنز مؤثر ثابت ہوں گی لہٰذا ایسے افراد جن کا درجہ حرارت 37 اعشاریہ 5 سینٹی گریڈ یا زائد ہو ، ان کا کورونا ٹیسٹ مثبت ہو اور وہ گائیڈ لائنز پر عمل پیرا ہوں ،این سی او سی کی جانب سے کہا گیا ہے کہ کرونا کے مریض اور علامات کا شکار افراد پانچ دن قرنطینہ کریں کورونا میں مبتلا افراد گھر سے نکلنے میں گریز کریں اور دوسروں سے جتنا ممکن ہو فاصلہ رکھیں بیمار ہوں تو گھر پر رہیں اور ڈاکٹر سے فون پر بات کریں فون یا ای میل کے ذریعے دوسروں کے ساتھ رابطے میں رہیں
بخار ،کھانسی ، سانس لینے میں دشواری ہو تو ڈاکٹرکو لازمی بتائیں ، سینے میں مسلسل درد، ہونٹ یا چہرہ نیلا ہو تو ڈاکٹر سے رجوع کریں ، بیمار شخص گھر میں دوسروں سے فاصلہ برقرار رکھتے ہوئے الگ کمرے میں رہے گھر میں رہتے ہوئے کئی ہفتوں کی ادویات اور سامان تک رسائی کو ممکن بنایا جائے جبکہ بیمار کی تیمارداری کرنے والے افراد غیر ضروری مہمانوں سے اجتناب کریں، بیمار شخص اور اس کا خیال رکھنے والے افراد ماسک کا استعمال کریں کرونا مریض کو کھانا کمرے میں دیا جائے بہتر ہے مریض سے رابطہ ہونے کی صورت میں پانچواں دن کورونا ٹیسٹ کروائیں جبکہ غیر ویکسین شدہ 6 ماہ ویکسین مکمل ہوئے اور بغیر بوسٹر والے افراد کورونا مریض سے ملنے کی صورت میں 10 دن قرنطینہ کریں ، بوسٹر شدہ شخص کو مریض سے رابطے پر قرنطینہ کی ضرورت نہیں تاہم 10 دن ماسک کا استعمال کریں
قبل ازیں پاکستان میں ایک بار پھر کرونا تیزی سے پھیلنے لگا ،کرونا کا پھیلاؤ جاری ہے، مریضوں اور اموات میں تیزی سے اضافہ ہو رہا ہے، این سی او سی نے اعدادوشمار جاری کئے ہیں جس کے مطابق ملک بھرمیں کوروناسے 8 مریض انتقال کرگئے گزشتہ 24 گھنٹے کے دوران 7 ہزار 195 کورونا کیسز رپورٹ ہوئے گزشتہ 24 گھنٹے کے دوران 57ہزار 401 کورونا ٹیسٹ کیے گئے، گزشتہ 24 گھنٹے کے دوران کورونا مثبت کیسز کی شرح 12.53 فیصد رہی ملک بھر میں کورونا سے اموات کی تعداد29 ہزار 105 ہو گئی،ملک بھر میں کوروناکیسز کی تعداد 13 لاکھ 74 ہزار 800 ہو گئی
این س اوسی کے مطابق سندھ میں کورونا کے کیسز کی تعداد 5 لاکھ 26 ہزار 899، خیبر پختونخوا میں ایک لاکھ 85 ہزار 340، پنجاب میں 4 لاکھ 64 ہزار 431، اسلام آباد میں ایک لاکھ 18 ہزار 292 ، بلوچستان میں 33 ہزار 941، آزاد کشمیر میں 35 ہزار 400 اور گلگت بلتستان میں 10 ہزار 497 ہو گئی ہے
دوسری جانب کراچی ضلع جنوبی کے 3 سب ڈویژن میں مائیکرو اسمارٹ لاک ڈاؤن نافذ کر دیا گیا ہے ڈپٹی کمشنر ضلع جنوبی نے مائیکرو اسمارٹ لاک ڈاؤن کا نوٹیفیکیشن جاری کردیا گارڈن ، صدر اور سول لائنز کے مخصوص مقامات پر ماییکرو اسمارٹ لاک ڈاؤن نافذ کیا گیا ہے ضلعی انتظامیہ ، پولیس اور متعلقہ اداروں کو مائیکرو اسمارٹ لاک ڈاؤن کا نفاذ یقینی بنانے کی ہدایت کی گئی ہے کورونا کیسز کے خاتمے تک مائیکرو اسمارٹ لاک ڈاؤن نافذ رہے گا مائیکرو اسمارٹ لاک ڈاؤن کے دوران تین اور اس سے زائد افراد کے جمع ہونے پر پابندی ہوگی مائیکرو اسمارٹ لاک ڈاؤن کے دوران شہریوں کے غیر ضروری نکلنے پر پابندی ہوگی مائیکرو اسمارٹ لاک ڈاؤن کے دوران کورونا مریض گھروں کو قرطینہ رہینگے
وزیراعلیٰ پنجاب سردار عثمان بزدار نے کورونا ویکسی نیشن مہم کو مزید تیز کرنے کی ہدایت کر دی،وزیراعلیٰ پنجاب عثمان بزدار کا کہنا تھا کہ شہریوں کو بوسٹر ڈوز لگانے کے عمل کو ہر صورت یقینی بنایا جائے۔اومیکرون ویرینٹ کے باعث کورونا کیسوں میں اضافے پر تشویش ہے حکومت پنجاب شہریو ں کی زندگیوں کے تحفظ کے لئے ہر ممکن اقدامات کررہی ہے۔ کورونا سے نمٹنے کے لئے انتظامی مشینری،محکمہ صحت، پولیس اور متعلقہ محکمے پوری طرح چوکس ہیں۔ کورونا کی پانچویں لہر مزید احتیاط کی متقاضی ہے۔پبلک مقامات پر سماجی فاصلہ اختیار کرنا ضروری ہے۔موثر طریقے سے ایس او پیز پر عملدرآمد سے ہی بیماری کا پھیلاؤ کم سے کم ہوگا۔عوام سے اپیل ہے کہ وہ اپنی زندگیوں کے تحفظ او رصحت کے لئے حکومتی ہدایات پرعمل کریں۔
اومیکرون….احتیاط کریں نہیں تو پابندیاں لگائی جا سکتی ہیں. اعلان ہو گیا
گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران
وفاقی دارالحکومت میں بھی کرونا وائرس کا مشتبہ کیس سامنے آ گیا
کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز
کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا
کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات
اومیکرون،15 ممالک کے شہریوں پاکستان کا سفر نہیں کرسکیں گے
پاکستان میں کرونا سے مزید 9 اموات
برطانیہ میں اومیکرون کے پھیلاؤ میں تیزی
پاکستان میں پہلےاومی کرون کیس کی تصدیق
اومیکرون کا خدشہ ،برطانیہ سے پاکستان آنے والی پروازوں بارے نیا حکمنامہ
کرونا کو معمولی قرار دینے والے کک باکسنگ کے سابق عالمی چیمپئین کی موت
بھارتی کرکٹ ٹیم کے سابق کپتان سارو گنگولی بھی کرونا کا شکار
