fbpx

گلوکارہ کنیکا کپور رشتہ ازدواج میں منسلک

ممبئی: بھارتی معروف گلوکارہ کنیکا کپور رشتہ ازدواج میں منسلک ہوگئیں۔

باغی ٹی وی : بھارتی میڈیا کے مطابق گانے “بےبی ڈول” کی وجہ سےدنیا بھر میں مشہور ہونے والی پلے بیک گلوکارہ کنیکا کپور گزشتہ روز رشتہ ازدواج میں منسلک ہو گئیں 43 سالہ گلوکارہ کی شادی کی تقریبات لندن میں منعقد ہوئیں جہاں انہوں نے بھارتی بزنس مین اور این آر آئی گوتم کے ساتھ نئی زندگی کا آغاز کیا۔

سوشل میڈیا پر وائرل ہونے والی شادی کی خوبصورت تصاویر میں دیکھا جا سکتا ہے کہ کنیکا کپور نےگلابی رنگ کا دلکش لہنگا اور ساتھ ہی بھاری زیور بھی پہنا جس کی وجہ سے وہ زیادہ پُرکشش نظر آئیں جبکہ ان کے شوہر نے سفید شیروانی اور پگڑی پہن رکھی ہے۔

اس سے قبل کنیکا کپور نے اپنے آفیشل انسٹاگرام اکاؤنٹ سے مداحوں کے ساتھ اپنی مہندی کی چند دلچسپ تصاویر بھی شیئر کی تھیں جس میں گلوکارہ نے پیسٹل گرین لہنگا اور پھولوں کے بنے زیورات پہن رکھے تھے۔

خیال رہے کہ یہ کنیکا کپور کی دوسری شادی ہے جبکہ ان کے پہلے شوہر سے ان کے 3 بچے بھی ہیں جنہیں وہ خود پال رہی ہیں-