Home›پاکستان›مسجد وزیر خان کیس:کراچی سٹی کورٹ میں رقص کی تصاویر اور مسجد کی انتظامیہ کے نام عدالت میں جمع

مسجد وزیر خان کیس:کراچی سٹی کورٹ میں رقص کی تصاویر اور مسجد کی انتظامیہ کے نام عدالت میں جمع

اگست 22, 2020

کراچی سٹی کورٹ میں اداکارہ صبا قمر اور گلوکار بلال سعید کے خلاف درخواست گزار نے مسجد زیر خان لاہورمیں ویڈیو ریکارڈنگ کی رقص کی تصاویر اور مسجد انتظامیہ کے نام جمع کرادئیے۔

باغی ٹی وی : کراچی سٹی کورٹ میں اداکارہ صبا قمر اور گلوکار بلال سعید کے خلاف دائر درخواست کی سماعت ہوئیدرخواست گزار لیاقت علی خان گبول ایڈووکیٹ نے وزیر خان مسجد میں صبا قمر اور بلال سعید کی ڈانس کرنے کی تصاویر اور مسجد انتظامیہ کے نام عدالت میں جمع کرادئیے۔

وکیل لیاقت علی خان گبول نے درخواست میں موقف اختیار کیا تھا کہ اداکارہ صبا قمر اور گلوکار بلال سعید نے مسجد میں ڈانس کر کے مسجد کاتقدس کو پامال کیا۔

سوشل میڈیا پر ڈانس کی ویڈیو اور تصاویر دیکھ کر شدید رنج ہوا، اداکارہ صباء قمر ، بلال سعیدو دیگر نے مسجد کی بے حرمتی کرکے مسلمانوں کے جذبات کو مجروح کیا اداکاروں کے خلاف ایف آئی آر کے اندراج کے لیے تھانہ سٹی کورٹ میں درخواست دی لیکن پولیس نے کارروائی سے انکار کیا ۔

انہوں نے اپنی درخواست میں کہا تھا کہ صبا قمر، بلال سعید اور پروڈیوسر احمد وقاص کے خلاف مقدمہ درج کرنے کا حکم دیا جائے جس پرعدالت نے مدعی لیاقت گبول ایڈووکیٹ کو مسجد وزیرخان کی انتظامیہ اورمحکمہ اوقاف کے افسران کے نام پیش کرنے کا حکم دیدیا۔

واضح رہے کہ گزشتہ سماعت پر عدالت نے مدعی لیاقت گبول ایڈووکیٹ کو مسجد وزیرخان کی انتظامیہ اورمحکمہ اوقاف کے افسران کے نام پیش کرنے کا حکم دیا تھا۔

دوسری جانب لاہور کی سیشن عدالت میں بھی صبا قمر اور بلال سعید کے خلاف مسجد میں ویڈیوریکارڈنگ کرنے کے خلاف مقدمہ درج ہے۔ تاہم گزشتہ سماعت پر عدالت نے صبا قمر اور بلال سعید کی گرفتاری روکتے ہوئے پچاس پچاس ہزار روپے کے مچلکے جمع کروانے کا حکم دیا اور دونوں فنکاروں کی 25 اگست تک عبوری ضمانت منظور کرلی تھی۔