مقبوضہ کشمیر : بھارتی فوج نے عید کے دن کشمیریوں کو لہو لہان کر دیا

مقبوضہ کشمیر : بھارتی فوج نے عید کے دن کشمیریوں کو لہو لہان کر دیا

باغی ٹی وی :مقبوضہ کشمیر میں ایک آپریشن میں سیکورٹی فورسز نے بڈگام میں ایک مکان کو تباہ کردیا-
ساوتھ ایشین وائر کے مطابق فورسز کاکہنا ہے کہ یہ لشکر طیبہ کے ارکان کی پناہ گاہ تھی، سیکورٹی فورسز نے بیروہ سے چار افراد وسیم گنائی۔ فاروق ڈار۔ محمد یسین اور اظہر الدین میر کو گرفتار کرنے کا دعوی کیا ہے.عید کے روز سرینگر میں ہنگامے پھوٹ پڑے

مقبوضہ کشمیر میں عیدکے روز آپریشن کے دوران سری نگر کے علاقے عید گاہ میں ہنگامے پھوٹ پڑے۔ساوتھ ایشین وائر کے مطابق پولیس کی طرف سے بھاری آنسو گیس کی شیلنگ کی گئی.ساوتھ ایشین وائر کے مطابق مقبوضہ کشمیر میں گزشتہ ہفتے نواکدل سری نگر معرکے میں زخمی ہونے والا ایک شہری منظور احمد خان ساکنہ حول سرینگر زخموں کی تاب نہ لاتے ہوئے آج انتقال کرگیا.
واضح‌رہے کہ اس سے پہلے بھارتی پولیس نے مقبوضہ کشمیر کے علاقے کپواڑہ میں سرچ آپریشن کے دوران 3 کشمیری نوجوانوں کو گرفتار کر کے انہیں مجاہد بنا کر پیش کر دیا، پولیس کا دعویٰ ہے کہ انہوں نے تینوں کشمیری نوجوانوں کو اسلحہ سمیت گرفتار کیا ہے اور بھاری تعداد میں بارود بھی برآمد کیا ہے.

بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

ایس ایس پی کپواڑہ رمیشن امبارکار نے پریس بریفنگ میں بتایا کہ گزشتہ روز تین مسلح نوجوانوں کی ایک تصویر سوشل میڈیا پر وائرل ہوئی تھی اور اس میں یہ ظاہر کیا گیا تھا کہ لولاب کےعلاقے سے تین نوجوانوں نے ہتھیار اٹھا لے ہیں۔ چنانچہ سوشل میڈیا پر وائر ل ہونے والی تصویر کا پولیس اور فوج نے سخت نوٹس لیا، جس کے فوراً بعد پولیس اور فوج نے مشترکہ طور پر ان تینوں کشمیری نوجوانوں کو تلاش کرنا شروع کر دیا اور انہیں گرفتار کر لیا ،پولیس نے دعویٰ کیا ہے کہ تینوں کا تعلق لشکر طیبہ سے ہے.