ڈی پی او گجرات کا انقلابی قدم

گجرات (چوہدری فیضان ارشاد سے)ڈی پی او گجرات توصیف حیدرکا انقلابی قدم،میڈیا اور سول سوسائٹی کے ساتھ ریلشن شپ مزید بہتر بنانے کیلئے سرکل لیول پر پبلک ریلیشن آفیسر ز تعینات کردئیے۔تفصیلات کے مطابق ڈی پی او توصیف حیدر نے گجرات کے تمام سرکل ہائے میں اسسٹنٹ پبلک ریلیشن آفیسر ز تعینات کردئیے ہیں۔ اسسٹنٹ پی آراوز سٹی سرکل،صدرسرکل،لالہ موسیٰ،کھاریاں اور سرائے عالمگیرسرکلز میں تعینات کئے گئے ہیں۔جو مقامی میڈیا کے نمائندوں سے قریبی رابطہ میں رہیں گے ۔سٹی سرکل میں بلال اقبال ، صدر سرکل حامد علی،کھاریاں سرکل میں فیصل مسعود،لالہ موسیٰ سرکل میں غلام فریداور سراۓعالمگیر سرکل میں مبشر احمد کو اسسٹنٹ پی آراوز تعینات کیا گیا ہے۔
ڈی پی او گجرات توصیف حیدر کا کہنا ہے کہ سرکل لیول پر پڑھےلکھے اور ایماندار اسسٹنٹ پی آر اوز کی تعیناتی کا مقصد میڈیا اور سول سوسائٹی کے ساتھ ریلیشن شپ کومزید بہتر کرنا ہے۔ اگلے مرحلہ میں تھانہ لیول پر اسسٹنٹ پی آر اوز تعینات کئے جائیں گے جو میڈیا سے روابط کے ساتھ ساتھ تھانہ میں آنے والے شہریوں کی راہنمائی اور مدد بھی کریں گے۔