خواتین کیساتھ زیادتی کی ویڈیو بنا کر بلیک میل کرنیوالے دو ملزمان پولیس مقابلے میں ہلاک

خواتین کے ساتھ بدسلوکی اور زیادتی کی ویڈیو بنا کر بلیک میل کرنے والے دو ملزمان پولیس مقابلے میں اپنے ہی نامعلوم ساتھیوں کی فائرنگ سے ہلاک ہوگئے جبکہ دیگر کو گرفتار کرلیا گیا۔

باغی ٹی وی :پولیس کے مطابق پولیس تھانہ ندوکے کی ٹیم گرفتار دو ملزمان زبیر عرف زوہیب اور ماجد کو دیگر ملزمان کی گرفتاری کے لئے لے کر جا رہی تھی کہ نہر کی پٹڑی کے قریب پہنچنے پر پانچ نامعلوم ملزمان نے پولیس پارٹی پر فائرنگ کردی پولیس نے جوابی فائرنگ کی، اسی دوران دو ملزمان ماجد اور زبیر نامعلوم ملزمان کی فائرنگ سے ہلاک ہوگئے،دونوں ملزمان خواتین کے ساتھ ہراسگی، زیادتی اور ڈکیتی کے مقدمات میں ملوث اور ریکارڈ یافتہ تھے۔

ادھر ترجمان نارووال پولیس کے مطابق پولیس نے نہر کی پٹڑی پر خواتین کے ساتھ بدسلوکی اور نازیبا حرکات میں ملوث مزید چند ملزمان کو بھی گرفتار کیا ہے، نہر کی پٹڑی پر کچھ اوباش لڑکے خواتین کے ساتھ بدسلوکی کرتے ہیں، نازیبا حرکات کرتے ہیں، ان کی ویڈیوز بناتے ہیں اور بلیک میل کرتے ہیں، نہر کنارے سیر و تفریح کے لئے جانے والی فیملیز کو ہراساں کیا جارہا ہے، نازیبا ویڈیو بنانے والا گروہ مبینہ طورپر 10 سے زائد نوجوان لڑکیوں، خواتین کو ہراساں کرچکا ہے اور نازیبا ویڈیو بنا کر ڈھائی لاکھ روپے وصول کرچکا ہے،وزیر اعلی پنجاب مریم نواز شریف کے احکامات تحت نارووال پولیس نے یہ کارروائی کی، پولیس نے متعدد مرکزی ملزمان کو گرفتار کرلیا۔

گن پوائنٹ پر لڑکیوں کی ویڈیوز بنانے والے گینگ کے 5 ملزمان گرفتار

منڈی بہاؤالدین :مبینہ پولیس مقابلہ،اشتہاری ڈکیت ہلاک

سیالکوٹ:پسرور , ستراہ روڈپر ٹریکٹر ٹرالی کی موٹرسائیکل کو ٹکر 2 جاں بحق