منڈی بہاؤالدین :مبینہ پولیس مقابلہ،اشتہاری ڈکیت ہلاک

منڈی بہاؤالدین ،باغی ٹی وی س(نامہ نگار افنان طالب) ریلوے لوکو شیڈ کے قریب پولیس اور اشتہاریوں میں مقابلہ کے دوران ڈکیت گینگ کا سرغنہ سبطین عرف بالا اپنے ہی ساتھی کی فائرنگ سے ہلاک ہوگیا ملزم ڈکیتی سمیت 19 سنگین مقدمات میں مطلوب تھا

تفصیلات کیمطابق میں پولیس کو اطلاع ملی کہ اشتہاری ملزم سبطین عرف بالا اپنے ساتھیوں کے ہمراہ ریلوے لوکو شیڈ کے قریب موجود ہے جس پر ایس ایچ او تھانہ ملکوال محمد نواز گوندل نے نفری کے ہمراہ ملزم کی گرفتاری کیلئے چھاپہ مارا ملزموں نے پولیس کو دیکھتے ہی ان پر فائرنگ شروع کردی جس پر فریقین میں کافی دیر فائرنگ ہوتی رہی ملزم سبطین عرف بالا اپنے ہی ساتھی کی فائرنگ سے ہلاک ہوگیا

جبکہ اس کے ساتھی فرار ہوگئے ملزم مختلف تھانوں کی پولیس کو ڈکیتی سمیت 19 سنگین مقدمات میں مطلوب تھا اطلاع ملنے پر ڈی پی او منڈی بہاءالدین احمد محی الدین مزید نفری کے ہمراہ موقع پر پہنچے

انہوں نے ایس ایچ او ملکوال محمد نواز گوندل اور دیگر اہلکاروں کو شاباش دی انہوں نے کہا کہ اب ضلع منڈی بہاءالدین میں جرائم پیشہ عناصر کیلئے کوئی جگہ نہیں ہے عوام کی جان و مال کا تحفظ پولیس کی ذمہ داری ہے جسے پورا کریں گے