پنجاب کی فرح گوگی طر ز پر خیبر پختونخوا میں مشعال یوسفزئی،ہٹانے کا مطالبہ زور پکڑ گیا

ایک طرف صوبہ قرضوں کے بوجھ تلے دبا ہوا ہے وہیں عوام بنیادی سہولتوں سے بھی خوفزدہ ہے۔ خیبرپختونخوا میں ایسی مثالیں موجود ہیں جہاں صحت کارڈ منسوخ ہونے کے باعث عوام صحت کی سہولیات سے محروم ہیں۔ ایسے میں خیبر پختونخوا میں پنجاب کی فرح گوگی کی طرح مشعال یوسفزئی سامنے آئی ہے.

بشریٰ بی بی کی ترجمان مشعال یوسفزئی،جسے خیبر پختونخواہ میں مشیر بنایا گیا ہے، ٹک ٹاکر بن چکی ہیں تو وہیں سرکاری گاڑی کے لئے ڈیمانڈ کر دی، وزیر اعلیٰ کے مشیر مشال یوسفزئی کو ایک کروڑ ستر لاکھ روپے مالیت کی گاڑی سے نوازنے کی تیاریاں جاری ہیں۔وزیر اعلیٰ خیبر پختونخوا علی امین گنڈاپور کی مشیر اور عمران خان کی وکلاء ٹیم میں شامل مشعال یوسفزئی کے لیے ایک کروڑ 70 لاکھ روپے سے زائد کی ”ٹویوٹا فارچیونر“ گاڑی خریدنے کا ارادہ رکھنے کی خبر نے سوشل میڈیا پر ہنگامہ کھڑا کردیا ہے۔نجی ٹی وی نے اپنی ایک رپورٹ میں اس حوالے سے ایک خبر نشر کی، جس کے بعد سوشل میڈیا پر ایک مبینہ سمری بھی سامنے آئی جس میں مشعال یوسفزئی کی فارچیونر کے علاوہ سیکرٹری سوشل ویلفیئر کے لیے بھی 70 لاکھ روپے کی گاڑی خریدنے کی درخواست کی گئی ہے۔صوبے کی مخدوش مالی حالت کے باعث محکمہ خزانہ نے گزشتہ مہینے ہی نئی گاڑیاں خریدنے پر پابندی عائد کی تھی۔ تا ہم ان دونوں خواتین کو گاڑیاں چاہئے تھیں، گاڑیاں خریدنے کی خبر سامنے آئی تو سوشل میڈیا پر ہنگامہ کھڑا ہو گیا، پی ٹی آئی کارکنان نے ہی مشعال یوسفزئی پر تنقید کی اور کہا کہ ایک طرف صوبے کی معاشی حالت دیکھ لیں تو دوسری جانب مشعال یوسفزئی کے کام دیکھ لیں، سوشل میڈیا پر شدید تنقید کا نشانہ بننے کے بعد پی ٹی آئی رہنما شہباز گل نے اس خبر پر تبصرہ کرتے ہوئے کہا کہ اگر یہ خبر درست ہے تو اس فیصلے کو عوامی مفاد میں واپس لے لینا چاہیے کیونکہ عمران خان کو یہ چیزیں پسند نہیں ہیں۔

مشیر وزیراعلیٰ مشعال اعظم یوسفزئی نے الیکٹرانک میڈیا پر نئی گاڑیوں کے خریداری کے حوالے سے چلنے والے خبروں پر ردعمل دیتے ہوئے کہا کہ مشیر وزیراعلیٰ کی حیثیت سے ذمہ داریاں سنبھالنے کے بعد سیکرٹری سوشل ویلفیئر اور خصوصی تعلیم نے سمری ارسال کی کہ سیکرٹری سوشل ویلفیئر و خصوصی تعلیم کے پاس گاڑی نہیں ہے اس لئے نئی گاڑی کی خریداری کے لئے اجازت دی جائے۔ اس سمری میں مشیر وزیراعلیٰ کے لئے بھی نئی گاڑی خریدنے کا ذکر کیا گیا۔مشعال یوسفزئی نے کہا کہ میرے سامنے سمری پیش کی گئی جس پر میں نے سختی منع کیا اور کہا کہ اگر گاڑی کی ضرورت تھی تو نگران حکومت میں خریدنے کی اجازت لیتے۔ اس حوالے سے واضح احکامات دئیے ہیں کہ گاڑی خریدنے کی کوئی ضرورت نہیں ہے اور کیس واپس کردیا۔ان کا کہنا تھا کہ صوبائی حکومت کے کفایت شعاری پالیسی کے مطابق نئے گاڑیوں کی خریداری پر مکمل پابندی ہے اور ہم اس پالیسی کی بھرپور پاسداری کررہے ہیں۔ بعض عناصر کی جانب سے مسلسل بے بنیاد منفی پروپیگنڈہ کیا جارہا ہے جس کا مقصد صرف کردار کشی کرنا ہیں۔ صوبائی حکومت وزیراعلیٰ علی امین گنڈاپور کی سربراہی میں صوبے کی بہتری اور عوام کی فلاح کے لئے اقدامات اٹھارہی ہے۔

مشعال یوسفزئی پارٹی پالیسی کے خلاف کام کرتی ہوئی نظر آ رہی ہیں،رمضان پیکج یا عید پیکج کی تقسیم کے موقع پر بھی مشعال یوسفزئی نے متاثرین کو دفتر بنا کر تصاویر بنوائیں جس پر وزیراعلیٰ کو نوٹس لینا پڑا مشعال یوسفزئی کی ٹک ٹاک دیکھی جائے تو موصوفہ کی ویڈیو کہیں گارڈ کے ساتھ کہیں سرکاری گاڑی میں پروٹوکول کے ساتھ ، جس پر ان پر کڑی تنقید کی جا رہی ہے، گاڑیوں کی خبرسامنےآنے کے بعد مشعال یوسفزئی نے خاتون صحافی پر شرمناک الزام لگادیا،ٹویٹ کرتے ہوئے مشعال یوسف زئی نے خاتون صحافی کے ساتھ ہونے والی اپنی گفتگو کے سکرین شاٹ شیئر کرتے ہوئے لکھا کہ نادیہ کی جانب سے پیسوں کی ڈیمانڈ کی گئی تھی جو کہ میں نے منع کردیا کہ یہ خان کی حکومت ہے یہاں لفافہ نہیں چلتا تو پراپیگنڈا شروع کردیا گیا، اس نے پیسے مانگے جو کہ نا دیئے جس پر یہ جھوٹی اسٹوری کی گئی۔ لیکن جو سکرین شاٹ مشعال یوسفزئی کی طرف سے شیئر کیے گئے ان میں کہیں بھی پیسے مانگنے کا ثبوت موجود نہیں، اس سکرین شاٹ سے مشعال یوسفزئی خود جھوٹی ثابت ہو گئیں، مشعال یوسفزئی کو پی ٹی آئی کارکنان ہی عہدے سے ہٹانے کا مطالبہ کر رہے ہیں

پنجاب کی فرح گوگی کے طرح خیبر پختون خواہ میں مشال یوسفزئی وزیر اعلی کی فرنٹ مین کا کردار ادا کر رہی ہے
یوتھیوں اب نہ کہنا فرح گوگی کیطرح ہمیں مشال یوسفزئی کی کرپشن کا اندازہ نہ ہو سکا
پی ٹی آئی 11 سال میں KPK میں حکومت کرکے پورے صوبے کو 11ہزار ارب روپے کا ڈیفالٹ کر چکی ہے pic.twitter.com/mYaBXOwejQ

— Shahid Khan (@64c250dd30ad402) April 17, 2024

پشاور پریس کلب نے وزیراعلی خیبرپختونخوا کی خاتون مشیر برائے سوشل ویلفیئر مشعال یوسفزئی کی جانب سے سینیئر خاتون صحافی نادیہ صبوحی کے خلاف الزام تراشی پر سخت ردعمل کا اظہار کیا ہے،پریس کلب کی جانب سے جاری ہونیوالے بیان کے مطابق صحافی برادری نےعلی امین گنڈاپور اور پاکستان تحریک انصاف کی قیادت سے کارروائی کا مطالبہ کیا ہے اور معاملہ پر مشترکہ حکمت عملی وضع کرنے کے لئے سینیئر صحافیوں کا ہنگامی اجلاس طلب کرلیا ہے۔ پریس کلب کے عہدیداران کا کہنا ہے کہ خاتون مشیر مشعال یوسفزئی نے گاڑی کی خریداری کی سمری کے حوالے سے کوئی تسلی بخش وضاحت کرنے کی بجائے جیو نیوز کی سینیئر خاتون صحافی نادیہ صبوحی صاحبہ پر (منتھلی) پیسے مانگنے کا الزام لگایا۔ مشعال یوسفزئی مشیر بننے کے بعد مسلسل تنازعات کی زد میں ہیں اور ان کا موجودہ اقدام پاکستان تحریک انصاف، اس کی صوبائی حکومت اور صحافیوں کے مابین خوشگوار تعلقات کو سبوتاژ کرنے کی ایک دانستہ کوشش ہے۔