fbpx

مسز سری لنکا 2021 کی فاتح کو تاج پہنا کر کچھ ہی دیر میں کیوں واپس لے لیا گیا؟

مسز سری لنکا 2021 کی فاتح پشپیکا ڈی سلوا کو تاج پہنا کر کچھ ہی دیر میں واپس لے لیا-

باغہ ٹی وی : مسز سری لنکا 2021 کی فاتح پشپیکا ڈی سلوا کو تاج پہنا یا گیا تاہم کچھ ہی دیر بعد سابق ملکہ حسن نے فاتح حسن کو طلاق یافتہ ہونے پر مقابلے سے باہر کرتے ہوئے تاج رنز اپ کے سر پر سجا دیا۔

عالمی خبر رساں ادارے کے مطابق کولمبو میں شادی شدہ خواتین کے مقابلہ حسن کے سب سے بڑے ایونٹ ’مسز سری لنکا‘ کی فاتح پشپیکا ڈی سلوا کی کامیابی کا اعلان کیا گیا اور اسٹیج پر تاج بھی پہنایا گیا۔ یہ مناظر سرکاری ٹیلی وژن پر براہ راست دکھائے جا رہے تھے۔

شپیکا ڈی سلوا تاج اترنے کے بعد ناراض ہو کر اسٹیج سے واپس چلی گئیں تاج اتارنے کے دوران ان کے سر پر چوٹیں بھی آئی ہیں۔

بعد ازاں پشپیکا نے فیس بک پر اپنی پوسٹ میں وضاحت دی کہ میری شوہر سے طلاق نہیں صرف علیحدگی ہوئی ہے۔

پشپیکا نے کہا کہ یہ درست ہے میں علیحدہ رہتی ہوں لیکن ابھی ہمارے درمیان طلاق نہیں ہوئی ہے طلاق اور علیحدگی دو الگ معاملات ہیں۔

مقابلہ حسن کے منتظمین نے پشپیکا ڈی سلوا کی وضاحت کے بعد چھان بین کی اورانہیں سچا پایا جس کے بعد نہ صرف معذرت کی بلکہ پشپیکا کو دوبارہ تاج لوٹا دیا گیا۔

خیال رہے کہ مسز سری لنکا کا شمار ملک کے بڑے مقابلوں میں ہوتا ہے جس میں ملک کے وزیر اعظم کی اہلیہ نے بھی شرکت کی تھی۔

جواب چھوڑیں

آپ کا ای میل ایڈریس شائع نہیں کیا جائے گا.