ایشیا کپ رائزنگ اسٹارز چیمپیئن شپ 2026 کا شیڈول جاری
ایشین کرکٹ کونسل (اے سی سی) نے ہفتے کو ایشیا کپ رائزنگ اسٹارز چیمپیئن شپ 2026 کے مکمل میچ شیڈول کا اعلان کر دیا جو 19 سے 29 نومبر تک قطر کے دارالحکومت دوحہ میں کھیلی جائے گی۔
آئندہ ماہ قطر کے دارالحکومت میں 2 مقامات پر منعقد ہونے والی اس چیمپین شپ میں کل 8 ٹیمیں شامل ہوں گی جنہیں 4،4 کے 2 گروپس میں تقسیم کیا گیا ہےگروپ اے میں دفاعی چیمپیئن پاکستان شاہینز،ان کی روا یتی حریف انڈیا اے، نیپال اور متحدہ عرب امارات شامل ہیں جبکہ گروپ بی میں سری لنکا اے، بنگلہ دیش اے، افغانستان اے اور ہانگ کانگ، چائنا شامل ہیں۔
ٹورنامنٹ کا آغاز 19 نومبر کو ہوگا جب بنگلہ دیش اے کا مقابلہ پردہ اٹھانے والے میچ میں ہانگ کانگ سے یونیورسٹی آف دوحہ فار سائنس اینڈ ٹیکنالوجی (یو ڈی ایس ٹی) کرکٹ گراؤنڈ میں ہوگا جبکہ سری لنکا اے کا مقابلہ افغانستان اے سے ویسٹ اینڈ انٹرنیشنل کرکٹ اسٹیڈیم (ڈبلیو ای آئی سی ایس) میں اسی دن ہوگا۔
پاکستان شاہینز 20 نومبر کے صبح کے فکسچر میں یو اے ای کے خلاف اپنا میچ کھیلیں گے جبکہ ان کے انڈیا اے کا مقابلہ دوسرے دن نیپال سے ہوگا، دونوں روایتی حریفوں کا آمنا سامنا 22 نومبر کو دوحہ کے ڈ بلیو ای آئی سی ایس میں ہوگا جبکہ پاکستان کا آخری گروپ مرحلہ میچ 24 نومبر کو نیپال کے خلاف شیڈ و ل ہے، اسی دن بھارت کا مقابلہ یو اے ای سے ہوگا۔
لیگ مرحلے کی تکمیل کے بعد ہر گروپ سے ٹاپ 2 ٹیمیں سیمی فائنل میں پہنچیں گی، پہلا سیمی فائنل گر وپ اےکے ٹاپر اور دوسرے گروپ کی دوسرے نمبر کی ٹیم کے درمیان 26 نومبر کو کھیلا جائے گا جبکہ دوسرا ناک آؤٹ فکسچر اگلے دن کھیلا جائے گا۔
سیمی فائنل کی فاتح ٹیمیں اس کے بعد بلاک بسٹر فائنل میں مدمقابل ہوں گی جو 29 نومبر کو ڈبلیو ای آئی سی ایس میں کھیلا جائے گا۔
19 نومبر کو بنگلہ دیش بمقابلہ ہانگ کانگ اور سری لنکا بمقابلہ افغانستان
20 نومبر کو پاکستان بمقابلہ یو اے ای اور بھارت بمقابلہ نیپال
21 نومبرکو سری لنکا بمقابلہ ہانگ کانگ اور بنگلہ دیش بمقابلہ افغانستان
22 نومبر کو یو اے ای بمقابلہ نیپال اور پاکستان بمقابلہ بھارت
23 نومبر افغانستان بمقابلہ ہانگ کانگ اور سری لنکا بمقابلہ بنگلہ دیش
24 نومبرکو بھارت بمقابلہ یو اے ای اور پاکستان بمقابلہ نیپال
26 نومبر کو سیمی فائنل 1 اے ون بمقابلہ بی 2
27 نومبر کو سیمی فائنل 2 بی ون بمقابلہ اے 2
29 نومبرفائنل
مزید پڑھیں
