جمعرات، 19 نومبر، 2026
Baaghi TV Logo
ٹرینڈنگ

قید پی ٹی آئی قیادت کا چیف جسٹس پاکستان اور چیف جسٹس اسلام آباد ہائیکورٹ کے نام مشترکہ خط


بانی پی ٹی آئی کے بعد کوٹ لکھپت جیل میں قید پاکستان تحریک انصاف کی قیادت نے بھی چیف جسٹس پاکستان اور چیف جسٹس اسلام آباد ہائیکورٹ کے نام مشترکہ خط لکھ دیا۔

کوٹ لکھپت جیل میں قید پی ٹی آئی رہنما شاہ محمود قریشی، ڈاکٹر یاسمین راشد،عمرسرفرازچیمہ ،میاں محمودالریشی ،اعجاز چوہدری نے وکیل رانا مدثر عمر کی وساطت سے خط ارسال کیا ۔ خط میں لکھا کہ بانی پی ٹی آئی اور بشریٰ بی بی کی جسمانی اور ذہنی صحت سے متعلق سنگین تحفظات ہیں۔


سپریم کورٹ نے اٹھارہ اگست دوہزار چھبیس کو بانی پی ٹی آئی کو شفا انٹرنیشنل اسپتال منتقل کرنے اور طبی معائنے کے لیے میڈیکل بورڈ بنانے کا حکم دیا تھا ۔۔ تاہم عدالتی حکم کے باوجود بانی پی ٹی آئی کو اسپتال منتقل نہیں کیاگیا۔


قید پی ٹی آئی قیادت نے بانی پی ٹی آئی اور بشریٰ بی بی کو فوری طبی سہولیات، ڈاکٹروں تک رسائی اور علاج فراہم کرنے کا مطالبہ کیا ۔ قید رہنماؤں نے بانی پی ٹی آئی کی اہلخانہ، وکلا اور بیٹوں سے ملاقاتوں کے عدالتی احکامات پر عملدرآمد یقینی بنانے کی بھی اپیل کی ۔ خط میں مزید مطالبہ کیا کہ قید سیاسی رہنماؤں اور کارکنوں کے زیرالتوا مقدمات اور اپیلوں پر غیرجانبدارانہ اور فوری فیصلے کیے جائیں ۔