آپریشن غضب للحق کی عارضی معطلی کی خلاف ورزی کا دعویٰ مضحکہ خیز قرار

پاکستان کی وزارت اطلاعات نے افغان طالبان کے ترجمان کا آپریشن غضب للحق کی عارضی معطلی کی خلاف ورزی کا دعویٰ مضحکہ خیز قرار دیدیا۔

وزارت اطلاعات نے خبردار کیا ہے کہ دہشت گرد کارروائیوں اور سرحد پار سےحملوں کا پوری طاقت سے جواب دیا جائے گاوزارت اطلاعات کے مطابق پاکستان کی جانب سے جنگ بندی کی کوئی خلاف ورزی نہیں کی گئی، حقیقت یہ ہے کہ افغان رجیم کے دعوے بے بنیاد اور جھوٹ پر مبنی ہیں،وزارت اطلاعات نے واضح کیا کہ افغان طالبان کی جانب سے پروپیگنڈے کا مقصد دہشت گردی کی کارروائیوں کا جواز پیدا کرنا ہے، پروپیگنڈا شاید طالبان رجیم کے اندر موجود مخالفین کی طرف سے بھی شروع کیا جاسکتا ہے،وزارت اطلاعات نے واضح کیا کہ پاکستان واضح کرچکا ہے کہ کسی بھی کارروائی پر عارضی وقفہ ختم ہوجائے گا۔