چاند اور مریخ کے مشنز، اسپیس ایکس اور اپولو گلوبل کے درمیان تاریخی معاہدہ

اسپیس ایکس نے چاند اور مریخ کے مشنز کی مالی اعانت اور کمپیوٹنگ پاور کی بڑھتی ہوئی مانگ کو پورا کرنے کے لیے اپولو گلوبل مینجمنٹ کے ساتھ 40 ارب ڈالر کی تاریخی اے آئی چپ فنانسنگ ڈیل طے کر لی ہے۔

ریگولیٹری فائلنگ کے مطابق اس معاہدے کے تحت اپولو گلوبل مینجمنٹ کا ایک الحاق شدہ ادارہ اے آئی چپس اور سرور ہارڈویئر خرید کر راکٹ سے اے آئی تک کے اس سفر میں مصروف ادارے اسپیس ایکس کو لیز پر دے گا۔

اس ڈیل کے تحت کل بنیادی ادائیگیاں تقریباً 40 ارب ڈالر ہوں گی، جبکہ ہر لیز کا دورانیہ سازوسامان کی ترسیل کے دن سے لے کر 5 سال سے کچھ زیادہ عرصے پر محیط ہوگا۔

یہ معاہدہ اسپیس ایکس کے بھاری اخراجات اور مالیاتی دباؤ کو واضح کرتا ہے، جو اپنے پرامید چاند اور مریخ کے مشنز کو فنڈ دینے کے لیے کمپیوٹنگ پاور کی غیر معمولی طلب سے بھرپور فائدہ اٹھانے کی کوشش کر رہا ہے۔