لندن میں دو نقاب پوشوں نے نواز شریف کی گاڑی کے شیشے توڑدیے

لندن میں ایوان فیلڈ کے باہر دو نقاب پوش افراد نے سابق وزیراعظم نواز شریف کی گاڑی کے شیشے توڑ دیے۔

پولیس نے واقعے کی سی سی ٹی وی ویڈیو تحویل میں لے لی، نواز شریف کی گاڑیوں کے ساتھ یہ تیسرا واقعہ پیش آیا ہے۔ایون فیلڈ ہاؤس کے باہر کھڑی گاڑی کے سائیڈ والے شیشے توڑ دیئے گئے،نواز شریف کی دونوں گاڑیوں کے شیشے توڑ دئیے اور کچھ شیشے اتار کر لے گئے ،واقعہ ہفتے کی شام پیش آیا،سی سی ٹی وی میں دو نقاب پوش نوجوان گاڑی کے شیشے اتار تے ہوئے موجود تھے،نواز شریف کی گاڑیوں کیساتھ یہ تیسرا واقعہ پیش آیا ہے،گاڑیاں ٹھیک کروا لی گئیں، آج نوازشریف نے اسی گاڑی میں سفر کیا

اس سے قبل میڈیا سے گفتگو کرتے ہوئے نواز شریف کا کہنا تھا کہ پشاور میں اسکول کی چھت گرنےکا واقعہ افسوسناک ہے۔نواز شریف کا کہنا تھا کہ پنجاب میں نجی اسکولوں کی حالت زار سے متعلق مریم نواز پہلے ہی کام کر رہی ہیں۔ان کا کہنا تھا کہ پاکستان دہشت گردی کے مسئلے کو سمجھتا ہے اور اس کا نوٹس بھی لے رہا ہے۔اپنی صحت سے متعلق بات کرتے ہوئے نواز شریف نے بتایا کہ میری طبعیت ٹھیک ہے، اللّٰہ کا شکر ہے۔

رپورٹ، زین العابدین، لندن