پنجاب حکومت کورونا وائرس سے کیااحتیاطی تدابیر کیے ہوئے ، عثمان بزدار نے بتا دیا

پنجاب حکومت کورونا وائرس کے لیے کیااحتیاطی تدابیر کیے ہوئے ، عثمان بزدار
باغی ٹی وی :وزیر اعلیٰ پنجاب سردار عثمان بزدار نے کہا ہے کہ پاکستان میں کورونا وائرس رپورٹ ہونے سے قبل ہی پنجاب میں ضروری اقدامات کر لیے گئے تھے۔

وزیر اعلیٰ پنجاب عثمان بزدار نے کورونا وائرس سے متعلق کہا کہ پنجاب حکومت نے کورونا وائرس سے بچاؤ کے لیے مؤثر احتیاطی اقدامات کیے ہوئے ہیں اور محکمہ پرائمری اینڈ سیکنڈری ہیلتھ میں قائم کنٹرول روم 24 گھنٹے کام کر رہا ہے۔

انہوں نے کہا کہ کورونا وائرس کی تشخیص کی سہولت ہمارے پاس موجود ہے جبکہ محکمہ صحت اور متعلقہ محکمے بھی ہمہ وقت چوکس ہیں اور اللہ تعالیٰ کے فضل و کرم سے کورونا وائرس کا کوئی بھی مریض پنجاب میں نہیں ہے۔عثمان بزدار نے کہا کہ عالمی ادارہ صحت کی وضع کردہ احتیاطی تدابیر پر عملدرآمد کو یقینی بنایا جا رہا ہے تاہم پنجاب میں صورتحال نارمل ہے اور 24 گھنٹے مانیٹرنگ جاری ہے۔کورونا وائرس سے متعلق پنجاب حکومت کی کوششیں بتاتے ہوئے انہوں نے کہا کہ کابینہ کمیٹی روزانہ اجلاس کر کے صورتحال کا جائزہ لیتی ہے اور ضروری اقدامات کیے جاتے ہیں۔

وفاقی دارالحکومت میں بھی کرونا وائرس کا مشتبہ کیس سامنے آ گیا

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید

کرونا وائرس،پاکستان نے کی ایران کے ساتھ ریل سروس معطل، شیخ رشید کا بڑا اعلان

پاکستان میں وائرس ایران سے آیا، کتنے مزید مشتبہ مریض ہیں؟ ڈاکٹر ظفر مرزا کی بریفنگ

ایران میں پھنسے رشتے داروں کو واپس لانے کے لئے شہری عدالت پہنچ گیا،عدالت نے کیا کہا؟

کرونا وائرس،پارلیمنٹ کا مشترکہ اجلاس طلب کرنیکا مطالبہ آ گیا

واضح رہے کہ سعودی عرب میں بھی کرونا وائرس کے 7 کیسز سامنے آ چکے ہیں،سعودی عرب کی وزارت خارجہ کی جانب سے جاری بیان میں کہا گیا ہے کہ کرونا وائرس کے پھیلنے کے خطرے کے پیش نظر احتیاطی اقدامات کئے جارہے ہیں ، وباء کے پھیلاؤ کو روکنے کے لئے سات خلیجی ممالک کے باشندوں کی مکہ معظمہ اور مدینہ منورہ میں داخلے پر عارضی طور پر پابندی عائد کی جا رہی ہے۔وزارت خارجہ کا کہنا تھا کہ جن ممالک پر پابندی عائد کی گئی ہے ان میں ایران ، چین، اٹلی، کوریا، جاپان، سنگاپور اور قازقستان شامل ہیں