’’ارطغرل غازی‘‘ میں ’’گلدارو‘‘ اور ’’سلجان حاتون‘‘ کون ہیں؟

پاکستان میں کئی سالوں سے مختلف ڈراموں کو اردو ڈبنگ کے ساتھ چینلز پر نشر کیا جارہا ہے مگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے ملی اس کی مثال نہیں ملتی۔

باغی ٹی وی : دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔

’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

پہلے سیزن کی کہانی میں تیرھویں صدی کا زمانہ دکھایا گیا ہے اور قائی قبیلہ منگولوں کے حملوں سے بچنے کے لیے نئی منزل تلاش کرتا ہے جس کے لیے قبیلے کے سردار کا بیٹا ارطغرل آگے بڑھ کر کردار ادا کرتا ہے اس ڈرامے کا ہر کردار ہی اپنے آپ میں انتہائی اہمیت کا حامل ہے

’’ارطغرل غازی‘‘ میں ’’گلدارو ‘‘ کا کردار ادا کرنے والے کون ہیں؟

گلدارو کا کردار بھی ڈرامے میں بہت اہمیت رکھتا ہے اور اسے ترک اداکار قان تاشانر نے ادا کیا قان تاشانر نے سلیمان شاہ کےسب سے بڑے بیٹے اور مرکزی کردار ارطغرل کے سب سے بڑے بھائی کا کردار ادا کیا ہے۔

گلدارو کہانی کو ایک سے زیادہ طریقوں سے آگے بڑھاتا ہے حالانکہ اس کا کردار منفی ہے۔ ارطغرل غازی ان کا بہترین اور جدید ترین کام ہے۔

قان تاشانر 23 اپریل 1979 کو اناطولیہ میں پیدا ہوئے اور اداکارہ ساجدہ تاشانر کے بیٹے ہیں قان 17 سال کی عمر سے اداکاری کی کلاسیں لینا شروع کیں جبکہ سلچوق یونیورسٹی سے تعلیم مکمل کی۔

2004 سے تھیٹر سے اداکاری کا آغاز کیا اور مختلف ڈراموں میں اپنے فن کا مظاہرہ کیا۔انہوں نے اپنی شوبز زندگی کا آغاز 2004 میں "بگ میٹنگ” سیریز میں اداکاری سے کیا تھا۔

’’ارطغرل غازی‘‘ میں ’’سلجان حاتون ‘‘ کا کردار کس نے ادا کیا ؟

ڈرامے میں سلجان حاتون کہانی کا ایک اور مرکزی کردار ہے۔ یہ کردار اداکارہ دیدم بالچین نے کیا – یہ سلیمان شاہ کی منہ بولی بیٹی اور بعد میں بڑے بیٹے گلدارو کی بیوی اور حائمہ حاتون اورسلیمان شاہ کی بہوہیں-

بالچین 18 مئی 1982 کو انقرہ میں پیدا ہوئیں ان کی ایک بڑی بہن ہیں جن کا نام ازم ہے اور والدہ کا نام نور بلقی ہیں جنہوں نے 1975 میں جاپان میں منعقدہ مس بیوٹی میں ترکی کی نمائندگی کی تھی۔ ان کے والد ٹی آر ٹی ریڈیو میں کام کر رہے ہیں انہوں نے زبان ، تاریخ اور جغرافیہ ، تھیٹر اور ایکٹنگ کے شعبہ انقرہ یونیورسٹی سے گریجویشن کیا۔


2007 میں ایک ٹی وی سیریل سے اپنے کیرئیر کا آغاز کیا اور متعدد ڈراموں اور فلموں میں کام کیا بالچین نے ارطغرل کے اہم کرداروں میں سے ایک کو نہایت شاندار طریقے سے نبھایا-

’ارطغرل‘ میں روشان کا کردار ادا کرنے والے اداکارکون ہیں؟

’’ارطغرل غازی‘‘ میں ’’صلیبی سردار‘‘ اور ’’استاد اعظم ‘‘کا کردا ادا کرنے والے اداکار کون ہیں؟

’’ارطغرل غازی‘‘ میں ’’سلیمان شاہ ‘‘ کا کردار نبھانے والے اداکار کون ہیں؟

ارطغرل میں ابن عربی کون ہیں؟

’’ارطغرل غازی‘‘ میں ’’ارطغرل ‘‘ کی والدہ کا کردار نبھانے والی اداکارہ کون ہیں؟

’’ارطغرل غازی‘‘ میں ارطغرل کی بیوی کا کردار ادا کرنے والی اداکارہ کون ہیں؟

’’ارطغرل غازی‘‘ میں مرکزی کردار ادا کرنے والے ’’ارطغرل‘‘ کون ہیں ؟

ارطغرل میں کلہاڑے والا ترگت الپ کون ہے ؟

ارطغرل میں بامسی کا کردار ادا کرنے والے اداکارکون ہیں؟