شاہ رخ خان کا بیٹا آریان خان منشیات کیس میں گرفتار

بالی ووڈ اداکار شاہ رخ خان کے بیٹے آریان خان کو منشیات کےالزام میں گرفتار کرلیا گیا ہے۔

باغی ٹی وی : بھارتی میڈیا کے مطابق بالی ووڈ کنگ شاہ رخ خان کے بیٹے آریان خان کو منشیات استعمال کرنے کے الزام میں نارکوٹکس کنٹرول بیورو(این سی بی) نے حراست میں لے لیا۔

رپورٹ کے مطابق ین سی بی نے 2 اکتوبر کی رات ممبئی کے ساحل پر ایک کروز شپ پر منعقد ہونی والی پارٹی پر اچانک چھاپہ مارا اور چھاپے کے دوران دس افراد کو گرفتار کیا گیا ہے رپورٹس میں یہ بھی کہا جارہا ہے کہ ایک بڑے بالی ووڈ اداکار کے بیٹے کو اس معاملے میں حراست میں لیا گیا ہے-

سیف علی خان نے کرینہ کپور کے ساتھ کامیاب زندگی کا راز بتا دیا

ٹائمز آف انڈیا کے مطابق ، آریان کو ہفتہ کی رات ممبئی کے ساحل سے دور کروز جہاز پر منعقد ہونے والی پارٹی پر چھاپہ مارنے کے بعد این سی بی نے تحویل میں لیا تھا۔

شاہ رخ خان کے بڑے بیٹے کو منشیات کے ایک کیس میں حراست میں لینے کے بعد نارکوٹکس کنٹرول بیورو کے حکام پوچھ گچھ کر رہے ہیں تاہم اداکار شاہ رخ خان کی جانب سے معاملے پر کوئی بیان جاری نہیں کیا گیا-

کترینہ کیف کی ہمشکل کے سوشل میڈیا پر چرچے

آریان کا موبائل فون ضبط کر لیا گیا ہے اور اس کی اسکیننگ کی جا رہی ہے تاکہ یہ معلوم ہو سکے کہ منشیات کے قبضے یا استعمال میں اس کے ملوث ہونے کے کوئی اشارے ہیں۔

بھارتی حکام کا کہنا ہے کہ حراست میں لیے گئے افراد کے بلڈ ٹیسٹ کے بعد مزید کارروائی ہوگی۔ این سی بی نے یہ چھاپہ ‘کورڈیلیا دی امپریس’ نامی جہاز پر مارا اور یہ آپریشن کئی گھنٹوں تک جاری رہا۔

آر ایس ایس کا طالبان سے موازنہ:جاوید اختر کو عدالتی نوٹس جاری