حکومت پاکستان کی درخواست پر عید کے پرمسرت موقع پر متحدہ عرب امارات نے 325 پاکستانی قیدیوں کو رہا کر دیا ہے، پاکستانی شہری اپنے اہلخانہ کے ہمراہ عید گزاریں گے،
متحدہ عرب امارات کی حکومت نے اماراتی صدر شیخ محمد بن زایدالنہیان کی ہدایت پرمختلف جیلوں میں قید 325 قیدیوں کو رہا کر دیا، عرب امارات کی حکومت نے پاکستانی حکومت کی جانب سے خصوصی درخواست پر قیدیوں کو رہا کیا، یو اے ای میں پاکستان کے سفیر فیصل نیاز ترمذی نے نجی ٹی وی سے گفتگو کرتے ہوئے اس بات کی تصدیق کی کہ معمولی جرائم میں قید 325 پاکستانیوں کو رہا کیا گیا ہے جو عید اپنے اہلخانہ کے ہمراہ پاکستان میں گزاریں گے ،متحدہ عرب امارات میں پاکستان کے سفیر فیصل نیاز ترمذی کا کہنا تھا کہ ہم اماراتی صدر شیخ محمد بن زایدالنہیان کے خصوصی شکر گزار ہیں پاکستانیوں کو لیگل سروس فراہم کرنے کی کوشش کر رہے ہیں
متحدہ عرب امارات کا قومی دن مبارک ہو!!! — بلال شوکت آزاد
متحدہ عرب امارات کے51 ویں قومی دن پر تصویری نمائش کا انعقاد
وفاقی وزیر قانون اعظم نذیر تارڑ سے متحدہ عرب امارات کے ہم منصب کی ٹیلی فونک بات چیت
سیلاب متاثرین کی مدد میں متحدہ عرب امارات کا مثالی کردار
محمد بن زید النہیان متحدہ عرب امارات کے نئے صدر بن گئے،
مقامی ہوٹل میں متحدہ عرب امارات کے 51ویں قومی دن کی تقریب منعقد ہوئی
واضح رہے کہ پاکستانی بیرون ممالک کام کے لئے جاتے ہیں اور وہاں قانون توڑنے سمیت معمولی جرائم میں جیلوں میں بند ہو جاتے ہیں جس پر پاکستانی حکومت قیدیوں کی رہائی کے لئے مسلسل کوشش جاری رکھتی ہے، ماضی میں بھی عرب امارات سے قیدیوں کو رہا کروایا جا چکا ہے، عرب امارات پاکستان کا دوست ملک ہے جس نے ہر مشکل میں پاکستان کا ساتھ دیا،پاکستان اور یو اے ای کے تعلقات دیرینہ اور دائمی ہیں، 1971 میں متحدہ عرب امارات کے قیام کے بعد پاکستان دنیا کا پہلا ملک تھا جس نے اسے آگے بڑھ کر نہایت پرجوش انداز میں نہ صرف تسلیم کیا تھا بلکہ اس کی جانب دست تعاون بھی دراز کیا تھا اس وقت سے لے کر آج تک پاکستان نے دوستی کے اس رشتے کو نہ صرف برقرار رکھا ہے بلکہ اسے وسیع سے وسیع تر کرنے کی کوشش کی ہے پاکستانی کمیونٹی تب سے لے کر آج تک یو اے ای کی ترقی اور تعمیر میں اپنا حصہ ڈال رہی ہے۔ دونوں ممالک میں تاریخی، ثقافتی اور معاشی رشتے قائم ہیں
