fbpx

بزرگ شہری کی 100 روپے کے نوٹ پردو غلطیوں کی نشاندہی پر وفاقی محتسب کا نوٹس

کراچی کے ریٹائرڈ سرکاری ملازم 75 سالہ محمد محسن نے 100 کے نوٹ پر بابائے قوم محمد علی جناح کا نام اور اس کے پیچھے تصویر کا مقام درست نہ ہونے کی نشاندہی کی جس پر وفاقی محتسب نے اسٹیٹ بینک کو فوری طور پر خامیاں دور کرنے کی ہدایت کردی۔

باغی ٹی وی : تفصیلات کے مطابق ان دو بڑی غلطیوں کی نشاندہی کرنے والے شہری کا نام محمد حسین ہے۔ وہ سرکاری ملازم تھے۔ تاہم اب وہ کراچی میں ریٹائرمنٹ کی زندگی گزار رہے ہیں۔ وہ بتاتے ہیں کہ گذشتہ 10 سالوں سے وہ اس غلطی کو درست کرانے کی کوشش کر رہے تھے لیکن کہیں سے شنوائی نہیں ہو رہی تھی۔ بالاخر میں نے وفاقی محتسب کو درخواست دی تو صرف دو ماہ میں ہی یہ تاریخی فیصلہ آگیا۔

وزیراعظم نے فضائی مسافروں سے 50 ہزار ایف ای ڈی وصولی کا حکم معطل کردیا

کراچی کے سابق سرکاری افسر محمد محسن کا کہنا تھا کہ 10سال قبل 100روپے کے نوٹ میں 2غلطیوں کی نشاندہی کی تھی جسے سٹیٹ بینک نے مسترد کر دیا تھے جس کے بعد شہری نے وفاقی محتسب کا رخ کیا اور شکایت درج کرائی –

شکایت میں محمد محسن کا کہنا تھا کہ دس سال قبل نوٹ کا بغور جائزہ لینے پر اندازہ ہوا کے انگریزی میں قائد اعظم کے نام کا املا آئین پاکستان میں درج شدہ اسپیلنگ کے مطابق نہیں،”Quaid-i-Azam” کی جگہ”Quaid-e-Azam”ہے جو کہ غلط ہے یعنی قائد اعظم محمد علی جناح کے نام کے انگریزی حروف تہجی (Quaid-e-Azam) میں ای(e) کی بجائے آئی(í)لکھا جائے جو کہ سرکاری دستاویزات کے مطابق ہے جب کہ نوٹ کی پشت پر طبع شدہ تصویر کے ساتھ قائد اعظم ریذیڈنسی زیارت کوئٹہ لکھا گیا ہے جوکہ بلوچستان ہونا چاہئے تھا۔

محمد محسن کا کہنا تھا کہ گزشتہ دس سالوں کے دوران متعلقہ اداروں کو سینکڑوں خطوط لکھے لیکن کوئی پیشرفت نہ ہوئی،جنوری 2022 میں وفاقی محتسب کے پاس درخواست جمع کرائی جس پر انہوں نے متعلقہ حکام کو نوٹسز بجھوائے اور اب اپنا فیصلہ سنا دیا۔

نواز اور شہباز شریف عوام کو بحرانوں سے نکال لیں گے،مریم نواز

وفاقی محتسب کےعلاقائی دفتر کوئٹہ کے سربراہ سرور بروہی کے مطابق وفاقی محتسب نے شکایت گزار کی درخواست پر فیصلہ دیتے ہوئے اسٹیٹ بینک کو دونوں غلطیوں کو درست کرنے کا حکم دیا ہے-

وفاقی محتسب کی جانب سے جاری احکامات میں کہا گیا ہے کہ آئندہ 100 روپے کے کرنسی نوٹ پر قائداعظم کے صحیح ہجے لکھے جائیں جو کہ انگریزی کے حرف ”آئی” سے بنتے ہیں۔ قائداعظم کے ”ای” سے لکھے جانے والے ہجے غلط ہیں اسی طرح یہ بھی احکامات جاری کر دیئے گئے ہیں کہ 100 روپے کے نوٹ پر زیارت کوئٹہ کی بجائے زیارت بلوچستان لکھا جائے۔

سرور بروہی نے کہا کہ اس دوران سال2006 میں شروع ہونے والے 5ویں جنریشن کے کرنسی نوٹ مارکیٹ میں اسی طرح استعمال ہوتے رہیں گے تاہم نئے آنے والے نوٹوں پر یہ غلطی درست کردی جائے گی۔

سرور بروہی نے 75 سالہ شہری کے اقدام کو سراہتے ہوئے کہاہے کہ محمد محسن نے نہ صرف غلطی کی نشاندہی کی بلکہ بار بار ناکامی کے باوجود ہمت نہ ہارکر حب الوطنی کا ثبوت دیا۔

پاکستانی سفیرکی یورپین ایکسٹرنل ایکشن سروس کےڈپٹی سیکریٹری جنرل سےملاقات