ن لیگ نے وزیراعظم، چیئرمین نیب کے استعفیٰ کا مطالبہ کر دیا

باغی ٹی وی کی رپورٹ کے مطابق وزیراعظم عمران خان ،آئی جی پنجاب اور چیئر مین نیب سے مستعفی ہونے کے مطالبے کی قرارداد پنجاب اسمبلی میں جمع کروا دی گئی

قرارداد مسلم لیگ (ن) کی رکن حنا پرویز بٹ کی جانب سے جمع کرائی گئی ہے، قرارداد کے متن میں کہا گیا ہے کہ آئی جی پنجاب نے وزیراعظم عمران خان اور چیئر مین نیب کی ایماءپر مریم نواز کی گاڑی پر حملہ کرایا،پنجاب پولیس کے اہلکاروں نے سوچی سمجھی سازش کے تحت سیاسی کارکنوں پر لاٹھی چارج کیا اور گرفتارکیا

قرارداد کے متن میں مزید کہا گیا کہ پنجاب پولیس کے لاٹھی چارج سے بیسیوں لیگی رہنما اور کارکن بری طرح زخمی ہوئے، ایوان جمہوری دور میں سیاسی کارکنوں کےخلاف آمرانہ ہتھکنڈے استعمال کرنے کی شدید مذمت کرتا ہے

قبل ازیں نیب آفس کے باہر مریم نواز کی گاڑی اور لیگی کارکنان پر تشدد کرنے والے پولیس اہلکاروں کے خلاف قانونی کارروائی کے مطالبے کی قرارداد پنجاب اسمبلی میں جمع کروا دی گئی

قرارداد مسلم لیگ ن کی رکن پنجاب اسمبلی ربعیہ نصرت کی جانب سے جمع کرائی گئی، قرارداد کے متن میں کہا گیا ہے کہ نیب آفس کے باہر پولیس اور حکومت کی ملی بھگت سے مسلم لیگ ن کی نائب صدر مریم نواز کی گاڑی کو نشانہ بنایا گیا۔ یہ ایوان نیب آفس لاہور کے باہر مسلم لیگ (ن) کی نائب صدر مریم نواز کی گاڑی پر حملے کی شدید مذمت کرتا ہے۔ حکومت کی ایما پر پولیس نے لیگی کارکنان پر بہیمانہ تشدد کیا۔

قرارداد کے متن میں مزید کہا گیا ہے کہ ہولیس کی جانب سے آنسو گیس اور تشدد سے سینکڑوں کارکن شدید زخمی ہوئے۔ پولیس نے سیاسی کارکنوں کو گرفتار کرکے آمریت کی بھی یاد تازہ کردی۔ پولیس کے اہلکاروں کی جانب سے مریم نواز کی بلٹ پروف گاڑی پر پتھراﺅ سے ونڈ سکرین ٹوٹ گئی۔ یہ ایوان پولیس کی جانب سے لیگی خواتین پر شیلنگ اور کارکنوں کی گرفتاریوں کی مذمت کرتا ہے۔ پرامن سیاسی کارکنوں اور لیگی رہنماﺅں پر لاٹھی چارج نیازی آمریت کی واضع مثال ہے۔

قرارداد کے متن میں مزید کہا گیا کہ یہ ایوان مطالبہ کرتا ہے کہ تشدد میں ملوث پولیس اہلکاروں کے خلاف سخت قانونی کارروائی عمل میں لائی جائے۔ گرفتار کارکنوں کو فوری رہا کیا جائے

پولیس نے ن لیگی کارکنان کو نیب آفس جانے سے روکا تو ن لیگی کارکنان بپھر گئے اور پولیس پر پتھراؤ کرنا شروع کر دیا جس پر پولیس کی جانب سے لیگی کارکنوں کو منتشر کرنے کے لیے شیلنگ کا استعمال کیا گیا

دوسری جانب اطلاعات کے مطابق مریم نواز پیشی کے لئے جب رائیونڈ سے روانہ ہوئیں تو انکی سیکورٹی کی گاڑی میں پتھر رائیونڈ سے لائے گئے، نجی ٹی وی 92 کے مطابق مریم نواز کی چیف سیکورٹی آفیسر کی گاڑی میں پتھر کے 10 شاپنگ بیگ لائے گئے جب انہوں نے فوٹیج بنائی تو سیکورٹی عملے کی جانب سے بدتمیزی کی گئی، صحافی کا موبائل چھیننے کی کوشش کی گئی، اینٹوں کو توڑ کر پتھر بنائے گئے تھے،

دوسری جانب مریم نواز نے سماجی رابطے کی ویب سائٹ ٹویٹر پر مریم نواز نے ایک ویڈیو شیئر کی ہے جس میں مریم نواز کا کہنا ہے کہ پولیس نے میری گاڑی پر پتھراؤ کر کے شیشہ توڑ دیا، پولیس نیب کے آفس سے پتھراؤ اور شیلنگ کر رہی ہے، اگر آپ اتنا مسلم لیگ ن سے ڈرتے ہیں ،نواز شریف سے تو پھر مریم نواز کو بلاتے کیوں ہو، جب اتنا خوف ہے تو بلاتے کیوں ہو، بلاتے ہو تو حوصلہ رکھو

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ

مریم نواز کی نیب پیشی کے موقع پر سیکورٹی کے سخت انتظامات کئے گئے تھے، باغی ٹی وی کے ذرائع کے مطابق نیب آفس کے باہر ن لیگی کارکنان کی بڑی تعداد جمع تھی ، نیب آفس کے باہر ن لیگی کارکنان کی پولیس کے ساتھ تلخ کلامی بھی ہوئی،نیب آفس کے باہر پولیس کی بھاری نفری تعینات تھی،ن لیگی کارکنوں کو پولیس اہلکاروں کو نیب آفس آنے سے روک دیا

اندازہ لگائیں گاڑی پر صرف پتھراؤ کیا گیا یا معاملہ زیادہ سنگین تھا،مریم نوازنے نئی ویڈیو ٹویٹ کر دی