کابل:امریکہ کے جانے کے بعد افغان طالبان ہمیں بہت ماریں گے: چیف افغان خفیہ ایجنسی این ڈی ایس نے خدشات کا اظہارکردیا ،اطلاعات کے مطابق افغان خفیہ ایجنسی این ڈی ایس کے چیف احمدزئی سراج کا کہنا کہ ہے طالبان امن میں دلچسپی نہیں رکھتے،
۔ این ڈی ایس چیف نے کابل میں پریس کانفرنس کرتے ہوئے کہا کہ طالبان تمام وسائل بروئے کار لاتے ہوئے افغان فورسزکے خلاف تشدد جاری رکھے ہوئے ہیں۔انہوں نے کہا کہ پانچ ہزار طالبان قیدیوں کی رہائی امن عمل میں مددگار ثابت نہیں ہوئی،رہا کیے گئے بہت سے طالبان قیدی دوبارہ جنگ میں شامل ہوگئے، دوحا معاہدے کے بعد طالبان کی کارروائیوں میں 24 فیصد اضافہ ہوا ہے
۔ این ڈی ایس چیف کا کہنا تھا کہ طالبان کے دہشت گرد گروپوں سے اب بھی آپریشنل تعلقات ہیں، افغانستان میں طالبان کی مدد کے بغیرکوئی دہشت گردگروپ آپریٹ نہیں کرسکتا۔پاکستانی وفد کے دورہ کابل سے متعلق چیف این ڈی ایس احمد زئی سراج کا کہنا تھا کہ پاکستان سے افغان پالیسی سے متعلق عملی اقدامات کرنیکی توقع ہے، پاکستانی وفدکے ساتھ ملاقات میں قیدیوں کے تبادلے پربھی گفتگو ہوئی ہے۔`
