fbpx

بنی گالہ ،عمران خان کے گھر کے قریب پی ٹی آئی کارکنوں نے گولیاں چلا دیں، ایک شخص زخمی

بنی گالہ ،عمران خان کے گھر کے قریب پی ٹی آئی کارکنوں نے گولیاں چلا دیں، ایک شخص زخمی
باغی ٹی وی کی رپورٹ کے مطابق بنی گالہ میں سابق وزیراعظم عمران خان کے گھر کے قریب گولیاں چل گئی ہیں جس کے نتیجے میں ایک شخص زخمی ہو گیا ہے

عامر سعید عباسی نے سماجی رابطے کی ویب سائٹ ٹویٹر پر دعویٰ کیا ہے کہ ،تحریک انصاف کے چیئرمین عمران خان کی رہائشگاہ کے قریب مبینہ طور پر عمران خان کے سیکورٹی گارڈز اور مقامی افراد میں کسی بات پر تصادم ہوا، جس کے بعد عمران خان کے سیکورٹی گارڈ نے گولیاں چلا دیں، ایک شخص زخمی ہو گیا، ملزمان گولیاں چلانے کے بعد گاڑی سمیت عمران خان کے گھر میں داخل ہو گئے، واقعہ کی ویڈیو بھی سامنے آ چکی ہے،

دوسری جانب اسلام آباد پولیس نے واقعہ کے حوالہ سے سماجی رابطے کی ویب سائٹ ٹویٹر پر ٹویٹ کی ہے اور کہا ہے کہ تھانہ بنی گالہ کے علاقہ میں فائرنگ سے ایک شخص کے زخمی ہونے کا معاملہ۔فائرنگ کرنے والے ایک ملزم مثال خان کو گرفتار کرلیا گیا ہے۔دیگر ملزمان کی گرفتاری کیلئے پولیس سرچنگ کررہی ہے۔جلد تمام ملزمان کو گرفتار کرکے قانون کے کٹہرے میں لایا جائے گا۔

صحافی وقار ستی ویڈیو شیئر کرتے ہوئے کہتے ہیں کہ بنی گالا میں عمران خان کی رہائش گاہ کے قریب گاڑی اوور ٹیک کرنے پرISF کے وہاں قائم کیمپ انچارج عارف مروت نے ایس ایم جی سے مقامی رہائشی ولید عباسی کو زخمی کردیا۔بنی گالا کے رہائشیوں کا کہنا ہے پی ٹی آئی کے کیمپ میں موجود افراد آئے روز مقامی افراد سے جھگڑا کرکےتششددکا نشانہ بناتے ہیں۔

بنی گالہ کے مقامی رہائشی افراد کا کہنا ہے کہ علاقہ میں سرچ آپریشن کیا جائے، یہاں مسلح افراد رہتے ہیں، ہماری جانوں کو خطرہ ہے، جرائم میں بھی اضافہ ہو چکا ہے، بنی گالہ و گردونواح میں سرچ آپریشن کر کے مسلح افراد کو گرفتار کر کے انکے خلاف قانونی کاروائی کی جائے،

توہین مسجد نبوی ٫عمران خان۔ شیخ رشید٫فواد چودھری پر مقدمہ درج

تمام مکاتب فکرکو اکٹھا کرکےعمرانی فتنے کا خاتمہ کرنا ہوگا،جاوید لطیف

عدالت کا شہباز گل کو وطن واپسی پر گرفتار نہ کرنے کا حکم

پی ٹی آئی قیادت کے خلاف درج توہین مذہب کے مقدمات چیلنج