مقبوضہ کشمیر،بھارتی فوج اورکشمیری حریت پسندوں کے درمیان شدید لڑائی جاری،بھارتی فوج کو بڑے پیمانے پرجانی نقصان

سری نگر : بھارتی فوج کے ،ظالم سے تنگ کشیریوں کا بھارتی فوج پر جوابی حملہ ، باغی ٹی وی کے مطابق مقبوضہ کشمیر میں کشمیر حریت پسندوں اوربھارتی فوج کے درمیان شدید ترین لڑائی ہورہی ہے،

سری نگر سے ذرائع کے مطابق یہ معرکہ آج صبح شروع ہوا اورآخری اطلاعات تک یہ لڑائی ابھی جاری تھی، یہ بھی معلوم ہوا ہے کہ بھارتی فوج کی مدد کے لیے بڑی کمک جاری ہے ، اور ان علاقوں میں جنگی ہیلی کاپٹرز بھی کشمیری حریت پسندوں پرشیلنگ کررہےہیں

سری نگر سے ذرائع کے مطابق بھارتی فوج کا کہنا ہے کہ فوج کا کشمیری حریت پسدنوں سے اس وقت آمنا سامنا ہوا جب ان کو اس علاقے میں کشمیری حریت پسندوں کے موجود ہونے کی اطلاع ملی ، اطلاعات کے بعد جب بھارتی فوج اس علاقے میں پہنچی تو دوبدولڑائی شروع ہوگئی

ادھر ذرائع کے مطابق جموں کے آئی جی پولیس مکیش سنگھ کا کہنا ہےکہ بھارتی فوجیوں کے مرنے کی اطلاعات ہیں اور یہ بھی اطلاعات ہیں کہ بڑی تعداد میں بھارتی فوجی زخمی بھی ہوئے ہیں

ادھر بھارتی وزارت دفاع کے ترجمان کرنل انند نے جموں میں ایک ہنگامی پریس کانفرنس میں اس بات کا اعتراف کیا کہ اس معرکے میں بھارتی فوج کو جانی نقصان اٹھانا پڑا ہے ، وزارت دفاع کے ترجمان کا یہ بھی کہنا تھا کہ بھارتی فوج کی کشمیری حریت پسندوں کی طرف سے سخت مزاحمت کا سامنا ، بھارتی فوج کے تازہ دم دستے بھی کمک کے طور پربھیج دیئے گئے ہیں