ہیلی کاپٹر حادثہ، پائلٹ کا آخری پیغام کیا تھا؟ بھارتی فضائیہ نے روٹ کلیئر کیا تھا یا نہیں؟ سوال اٹھ گئے

باغی ٹی وی کی رپورٹ کے مطابق بھارتی چیف آف ڈیفنس سٹاف جنرل بپن راوت کی ہیلی کاپٹر حادثے میں موت ہو چکی ہے،انکی آخری رسومات آج نئی دہلی میں اد اکی جائیں گی

ہیلی کاپٹر حادثے میں ٹوٹل 13 افراد کی موت ہوئی ، حادثے کے بعد چہ میگوئیاں کی جا رہی ہیں کہ کیا واقعی یہ حادثہ تھا جس میں بھارتی افواج کے سربراہ کی موت ہوئی یا کچھ اور کہانی ہے، تحقیقاتی ٹیم نے اپنا کام شروع کر دیا ہے،تحقیقاتی ٹیم کو بلیک باکس مل چکا ہے جس سے صورتحال سامنے آئے گی تا ہم بھارتی میڈیا کے مطابق ہیلی کاپٹر کے پائلٹ نے ایمرجنسی کی کسی قسم کی کوئی کال نہیں کی تھی ، پائلٹ کی جانب سے آخری پیغام تھا کہ ہم اب ہیلی پیڈ پر لینڈنگ کریں گے، یہ سات آٹھ منٹ قبل کا پیغام تھا اور جہاں حادثہ ہوا ہیلی پیڈ اس مقام سے دس کلو میٹر کی دوری پر تھا

جو ہیلی حادثے کا شکار ہوا وہ ایم آئی 17 تھا اور اسے محفوظ ترین ہیلی سمجھا جاتا ہے جس میں دو انجن ہوتے ہیں، بھارتی وزیراعظم مودی بھی اس میں سفر کرتے ہیں، دنیا بھر میں فوجی مہمات کے لئے اس ہیلی کو استعمال کیا جاتا ہے، اس میں 36 افراد کے بیٹھنے کی گنجائش ہوتی ہے

دوسری جانب یہ بھی سوال اٹھایا جا رہا ہے کہ جنرل بپن راوت کے ہیلی کے اڑان بھرنے سے قبل بھارتی فضائیہ کی جانب سے روٹ کلیر کیا گیا تھا یا نہیں کیونکہ کسی بھی وی وی آئی پی موومنٹ سے قبل بھارتی فضائیہ جاسوسی طیارے بھیج کر روٹ کلیئر کرتی ہے ،بھارتی میڈیا کے مطابق سولور ایئر بیس کے ایک افسر کا کہنا ہے کہ پروٹوکول کے تحت موسم کا اندازہ لگانے کے لئے بھارتی فضائیہ کے دو ہیلی کاپٹروں کو بھیجا گیا تھا تا ہم وہ ہیلی کاپٹر کہاں گئے، واپس آئے یا ویلنگٹن ہیلی پیڈ پر اترے اس بارے میں کچھ نہیں کہہ سکتے ،سولور ایئر بیس کے افسر کی بیان کی تردید کرتے ہوئے ویلنگٹن کے مدراس ریجمنٹل سینٹر کے سینئر افسر کا کہنا ہے کہ ایم آئی 17 ایک محفوظ ترین ہیلی کاپٹر ہے اس لئے حقیقی طور پر چھوٹے ہیلی کاپٹر کی جانب سے کوئی بھی ٹرائل رن نہیں کیا گیا تھا اس کے ساتھ ہی ویلنگٹن کے جس ڈیفنس سروسز اسٹاف کالج سی ڈی ایس لیکچر دینے گئے تھے وہاں کے افسر نے اس پر کچھ بھی کہنے سے انکار کردیا ہے

جس جگہ جنرل بپن راوت کا ہیلی کاپٹر کریش ہوا تھا اس جگہ موجود عینی شاہدین کا کہنا ہے کہ انہوں نے وہاں کوئی بھی دیگر ہیلی کاپٹر نہیں دیکھا تھا اور نہ ہی کوئی آواز سنی تھی ،ا س حوالہ سے بھارتی فضائیہ کے ریٹائر افسر ایس رمیش کمار کا کہنا ہے کہ عام طور پر صدر یا وزیراعظم کے دورے کے وقت چار ہیلی کاپٹر مین ہیلی کاپٹر کے ساتھ ہوتے ہیں ،وہ بپن راوت کے ساتھ کیوں نہیں تھے؟

بھارتی ریاست تامل ناڈو میں فوجی ہیلی کاپٹر گر کر تباہ ہو گیا ہے ،بھارتی افواج کے سربراہ بپن راوت ہیلی کاپٹر حادثے میں ہلاک ہو گئے ہیں، بہن راوت کی اہلیہ بھی ہلاک ہو گئی ہیں، جنرل بپن راوت پہلے بھارتی چیف آف ڈیفنس اسٹاف تھے، حادثہ پر وزیر دفاع راجناتھ سنگھ سمیت تمام لیڈروں نے بھی اظہار افسوس کیا ہے ،بھارتی فضائیہ نے اس بات کی تصدیق کر دی ہے

دوسری جانب چیف آف ڈیفنس اسٹاف کے ہیلی حادثے اور ممکنہ موت پر بھارت کے اندر فوجی حلقوں میں جشن کا سماں ہے، وہ ہندوستانی فوج کے اندر ایک نفرت انگیز آدمی تھا جس نے آر ایس ایس اور مودی کے لیے اپنی طاقت کا استعمال کرتے ہوئے یہ نئی ترقی حاصل کی تھی بپن راوت کی سربراہی میں بھارت کو رافیل طیاروں میں کرپشن کا سامنا رہا بپن راوت کی سربراہی میں بھارت کو پلوامہ اور دوکلم میں ہزیمت اور اندرونی خلفشار کا سامنا رہا ہے

بھارتی افواج کے سربراہ بپن راوت اپنی بیوی اور افسران کے ہمراہ محفوظ ترین ہیلی میں سوار تھے جس کے دو انجن ہیں، ایک انجن میں خرابی آنے کے بعد دوسرے انجن کے ساتھ محفوظ لینڈنگ کروائی جا سکتی ہے ، وی وی آئی پی شخصیات کے لئے اس ہیلی کاپٹر کا استعمال ہوتا ہے،

واضح رہے کہ بھارتی فوج کے سربراہ جنرل بپن راوت اپنی مدت ملازمت پوری کرنے کے بعد 31 دسمبر 2019 کو ریٹائر ہوئے جنہیں مودی سرکار نے بھارت کا پہلا چیف آف ڈیفنس اسٹاف مقرر کیا تھا جنرل بپن لکشمن سنگھ راوت ہندوستانی فوج کے فور اسٹار جنرل تھے وہ بھارت کے علاقے اتراکھنڈ میں پیدا ہوئے، انڈین ملٹری اکیڈمی سے انہوں نے تعلیم حاصل کی، انکے والد بھی فوجی تھے، بھارتی حکومت نے فوج کے حوالہ سے قوانین میں ترمیم کر کے بپن روات کو عہدہ دیا تھا ،اس ضمن میں عمر کی حد بڑھا کر 62 سے 65 برس کی گئی تھی اور آرمی چیف کے عہدے سے ریٹائر ہونے کے بعد انہیں چیف آف ڈیفنس اسٹاف بنایا گیا تھا ،بپن راوت کے والد بھی لیفٹیننٹ جنرل کے عہدے سے سبکدوش ہوئے تھے راوت نے 1978 میں فوج کی 11ویں گورکھا رائفلز کی 5ویں بٹالین میں کمیشن کے ساتھ اپنے فوجی کیریئر کا آغاز کیا تھا جنرل راوت مسلسل کامیابی کی سیڑھی چڑھتے رہے اور مختلف اہم ذمہ داریاں نبھاتے رہے، انہیں یکم ستمبر 2016 کو ڈپٹی چیف آف آرمی اسٹاف بنایا گیا تھا

انڈیا کر رہا ہے پاکستان کے خلاف نئی سازش، بپن روات جھوٹ بولنے سے باز نہ آئے

بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصد

بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا

اپنا ہیلی کاپٹر گرانے والے بھارتی آفیسر کے ساتھ بھارت نے کیا سلوک کیا؟

پاکستان کو دھمکیاں دینے والے بھارت کا ہیلی کاپٹر کیسے تباہ ہوا؟ جان کر ہوں حیران

بریکنگ.بھارتی فضائیہ کا جنگی طیارہ تباہ، کیپٹن ہلاک

بھارتی فضائیہ کا جنگی طیارہ تباہ،پائلٹ ہلاک، رواں برس کتنے طیارے تباہ ہو چکے؟

وہی ہوا جس کا تھا انتظار،مودی کی مکاری،ڈرون کا الزام پاکستان پر عائد

ہیلی کاپٹر حادثہ، بلیک باکس برآمد، تحقیقات کا آغاز

ہیلی کاپٹرحادثے پر اٹھائے گئے سوال،ایم آئی 17 کے سابق پائلٹ کا بھی اہم انکشاف