fbpx

ہیلی کاپٹر حادثہ، بلیک باکس برآمد، تحقیقات کا آغاز

ہیلی کاپٹر حادثہ، بلیک باکس برآمد، تحقیقات کا آغاز
باغی ٹی وی کی رپورٹ کے مطابق بھارتی وزیر دفاع راج ناتھ سنگھ نے لوک سبھا میں ہیلی کاپٹر کریش پر بریفنگ دی ہے راجناتھ سنگھ نے کہا کہ جنرل بپن راوت سمیت تمام لاشیں نئی دہلی لائی جائیں گیہیلی کاپٹر کے حادثے کی سہ فریقی تحقیقات کا حکم دیا ہے، تحقیقاتی ٹیم کی قیادت ایئر مارشل مانویندر سنگھ کریں گے،انکوائری ٹیم نے گزشتہ روز خود ہی ویلنگٹن پہنچ کر تحقیقات کا آغاز کیا ہیلی کاپٹر حادثے کی تینوں سروسز کو تحقیقات کا حکم دیا ہے جنرل بپن راوت کی آخری رسومات کل ادا کی جائیں گی، لوک سبھا میں افسوس کے لئے ایک منٹ کی خاموشی بھی اختیار کی گئی

بھارتی چیف آف ڈیفنس سٹاف جنرل بپن راوت اور ان کی اہلیہ کا جسد خادی دہلی چھاونی میں لایا جائے گا اور جمعہ کو آخری رسومات ادا کی جائیں گی جسد خاکی ایک فوجی طیارے کے ذریعے دہلی پہنچایا جائے گا ، ہیلی کاپٹر کا فلائٹ ریکارڈ بلیک باکس تلاش کر لیا گیا ہے، بلیک باکس کے ملنے سے تحقیقات میں آسانی ہو گی، بلیک باکس کو ڈھونڈنے کے لئے تحقیقاتی ٹیم نے علاقے میں سرچ آپریشن کیا، ٹیم کو جائے حادثہ سے تقریبا 300 میٹر سے ایک کلومیٹر کے علاقے کے درمیان سرچ آپریشن کرتے ہوئے بلیک باکس ملا،ونگ کمانڈر آر بھاردواج کی قیادت میں بھارتی فضائیہ کے افسران کی 25 رکنی خصوصی ٹیم نے بلیک باکس برآمد کیا،

قبل ازیں پاکستان کے آرمی چیف جنرل قمر جاوید باجوہ سمیت پاکستان کے عسکری حکام نے بھارتی چیف آف ڈیفنس سٹاف کی موت پر اظہار افسوس کیا ہے ،ڈی جی آئی ایس پی آر نے سماجی رابطے کی ویب سائٹ ٹویٹر پر ٹویٹ کی ہے جس میں کہا گیا ہے کہ پاکستان کے آرمی چیف جنرل قمر جاوید باجوہ، چیئرمین جوائنٹ چیفس آف سٹاف جنرل ندیم رضا نے تامل ناڈو میں بھارتی فوجی ہیلی کاپٹر حادثے میں جنرل بپن راوت اور ان کی اہلیہ کی ہلاکت پر اظہار افسوس کیا ہے

بھارتی ریاست تامل ناڈو میں فوجی ہیلی کاپٹر گر کر تباہ ہو گیا ہے ،بھارتی افواج کے سربراہ بپن راوت ہیلی کاپٹر حادثے میں ہلاک ہو گئے ہیں، بہن راوت کی اہلیہ بھی ہلاک ہو گئی ہیں، جنرل بپن راوت پہلے بھارتی چیف آف ڈیفنس اسٹاف تھے، حادثہ پر وزیر دفاع راجناتھ سنگھ سمیت تمام لیڈروں نے بھی اظہار افسوس کیا ہے ،بھارتی فضائیہ نے اس بات کی تصدیق کر دی ہے دوسری جانب وزیر دفاع راج ناتھ سنگھ سی ڈی ایس بپن راوت کی رہائش گاہ دہلی میں پہنچ گئے ہیں، بھارتی آرمی چیف بھی بپن راوت کے گھر پہنچ چکے ہیں،

بپن راوت کو زخمی ہسپتال میں ہسپتال منتقل کیا گیا تھا انکو آئی سی یو میں رکھا گیا، بھارتی فوج کے ڈاکٹروں نے انہیں بچانے کی کوشش کی تا ہم انکی موت ہو گئی ،ہندوستانی فوج کے لیفٹیننٹ جنرل ایچ ایس پناگ (ر) نے بھی بھارتی چیف آف ڈیفنس بپن راوت کی موت کی تصدیق کی ہے، سماجی رابطے کی ویب سائٹ ٹویٹر پر ٹویٹ کرتے ہوئے انہوں نے موت کی تصدیق کی، انکی ٹویٹ پر صارفین نے تبصرے بھی کئے ہیں

ہیلی کاپٹرحادثے میں 14 افراد ہلاک ہو گئے ہیں،ہلاک افراد کی شناخت ڈی این اے ٹیسٹ سے کی جائے گی، بھارتی چیف آف ڈیفنس اسٹاف بپن راوت بھی ہیلی کاپٹر میں سوار تھے ،بپن راوت کی بیوی بھی ہیلی کاپٹر میں سوار تھیں ، ہیلی کاپٹر جہاں تباہ ہوا امدادی ٹیمیں پہنچ گئی تھیں اور ریسکیو آپریشن شروع کر دیا تھا بھارتی میڈیا کے مطابق جنرل بپن راوت کا عملہ اور گھر کے کچھ افراد بھی سوار تھے، رپورٹ کے مطابق تباہ ہونے والے ہیلی کاپٹر میں بھارتی چیف آف ڈیفنس بپن راوت ، انکی اہلیہ، دفاعی معاون، سیکورٹی کمانڈوز اور بھارتی فضائیہ کے پائلٹ سمیت 14 افراد سوار تھے

مقامی لوگوں نے 80 فیصد جھلسنے والی چار لاشیں مقامی اسپتال منتقل کیں بعد ازاں دیگر لاشین منتقل کی گئیں ،13 افراد کی موت کی تصدیق ہو گئی ہے تا ہم انکی شناخت ابھی تک سامنے نہیں لائی گئی، بھارتی ریاست تامل ناڈو میں حادثے کے شکار ہیلی کاپٹر میں جنرل بپن راوت کی ہلاکت کی اطلاع ہے۔ مگر ابھی اس کے اعلان سے گریز کیا جارہا ہے۔ بھارتی میڈیا بھی حکومت کے سرکاری بیان کا انتظار کررہا ہے۔اب تک 14 سوار میں سے 11 کی ہلاکت کا اعلان کیا جاچکا ہے، مگر ان کے نام نہیں بتائے جارہے۔حادثے کی جو ویڈیو سامنے آئی اس میں دیکھا جا سکتا ہے کہ ہیلی کو آگ لگی ہوئی ہے، حادثے کی تحقیقات کا حکم دے دیا گیا ہے ،اطلاعات کے مطابق بھارتی چیف آف ڈیفنس بپن راوت ایک لیکچر سیریز میں حصہ لینے کے لئے جا رہے تھے کہ انکا ہیلی ایم آئی 17 حادثے کا شکار ہو گیا،مقامی فوجی افسران جائے وقوعہ پر پہنچ گئے

بھارتی چیف آف ڈیفنس بپن راوت کا ہیلی کاپٹر تباہ ہونے پر بھارتی وزیراعظم مودی نے ہنگامی اجلاس طلب کیا تھا، اجلاس میں بھارتی وزیر دفاع راجناتھ سنگھ نے بھارتی وزیراعظم کو ہیلی حادثہ بارے بریفنگ دی، بھارتی وزیر دفاع اعلیٰ حکام کے ہمراہ جائے وقوعہ کا بھی دورہ کریں گے جہاں ہیلی تباہ ہوا ہے ،بھارتی وزیر دفاع راج ناتھ سنگھ نے وزیر اعظم نریندر مودی کو اس نا خوشگوار واقعے کے بارے میں آگاہ کیا ہے۔ بھارتی وزیر دفاع جلد ہی سی ڈی ایس کے ہیلی کاپٹر حادثے پر پارلیمنٹ کو بریفنگ دیں گے۔

دوسری جانب میڈیا رپورٹس کے مطابق ذرائع بتا رہے ہیں کہ اس بات کے ناقابل تردید ثبوت ہیں کہ بھارتی چیف آف ڈیفنس بپن راوت کے ہیلی کاپٹر کو تامل باغیوں نے نشانہ بنایا ہے، یہ بات صحیح بھی ہوئی تو بھارتی فوج اسکو کبھی تسلیم نہیں کرے گی ،حادثہ کے حوالہ سے بھارتی وزیر دفاع راجناتھ سنگھ پارلیمنٹ میں بیان دیں گے، ذرائع کے مطابق بالاکوٹ حملے کی ناکامی کے بعد بھارتی حکومت بپن راوت سے خوش نہیں تھی جس میں پاکستان کی جانب سے 2 بھارتی جیٹ طیارے اور ایک ہیلی کاپٹر مار گرایا گیا تھا۔

دوسری جانب چیف آف ڈیفنس اسٹاف کے ہیلی حادثے اور ممکنہ موت پر بھارت کے اندر فوجی حلقوں میں جشن کا سماں ہے، وہ ہندوستانی فوج کے اندر ایک نفرت انگیز آدمی تھا جس نے آر ایس ایس اور مودی کے لیے اپنی طاقت کا استعمال کرتے ہوئے یہ نئی ترقی حاصل کی تھی بپن راوت کی سربراہی میں بھارت کو رافیل طیاروں میں کرپشن کا سامنا رہا بپن راوت کی سربراہی میں بھارت کو پلوامہ اور دوکلم میں ہزیمت اور اندرونی خلفشار کا سامنا رہا ہے

بھارتی افواج کے سربراہ بپن راوت اپنی بیوی اور افسران کے ہمراہ محفوظ ترین ہیلی میں سوار تھے جس کے دو انجن ہیں، ایک انجن میں خرابی آنے کے بعد دوسرے انجن کے ساتھ محفوظ لینڈنگ کروائی جا سکتی ہے ، وی وی آئی پی شخصیات کے لئے اس ہیلی کاپٹر کا استعمال ہوتا ہے،

واضح رہے کہ بھارتی فوج کے سربراہ جنرل بپن راوت اپنی مدت ملازمت پوری کرنے کے بعد 31 دسمبر 2019 کو ریٹائر ہوئے جنہیں مودی سرکار نے بھارت کا پہلا چیف آف ڈیفنس اسٹاف مقرر کیا تھا جنرل بپن لکشمن سنگھ راوت ہندوستانی فوج کے فور اسٹار جنرل تھے وہ بھارت کے علاقے اتراکھنڈ میں پیدا ہوئے، انڈین ملٹری اکیڈمی سے انہوں نے تعلیم حاصل کی، انکے والد بھی فوجی تھے، بھارتی حکومت نے فوج کے حوالہ سے قوانین میں ترمیم کر کے بپن روات کو عہدہ دیا تھا ،اس ضمن میں عمر کی حد بڑھا کر 62 سے 65 برس کی گئی تھی اور آرمی چیف کے عہدے سے ریٹائر ہونے کے بعد انہیں چیف آف ڈیفنس اسٹاف بنایا گیا تھا ،بپن راوت کے والد بھی لیفٹیننٹ جنرل کے عہدے سے سبکدوش ہوئے تھے راوت نے 1978 میں فوج کی 11ویں گورکھا رائفلز کی 5ویں بٹالین میں کمیشن کے ساتھ اپنے فوجی کیریئر کا آغاز کیا تھا جنرل راوت مسلسل کامیابی کی سیڑھی چڑھتے رہے اور مختلف اہم ذمہ داریاں نبھاتے رہے، انہیں یکم ستمبر 2016 کو ڈپٹی چیف آف آرمی اسٹاف بنایا گیا تھا

انڈیا کر رہا ہے پاکستان کے خلاف نئی سازش، بپن روات جھوٹ بولنے سے باز نہ آئے

بادلوں کی وجہ سے طیارے راڈار میں نہیں آتے، بھارتی آرمی چیف کی مودی کے بیان کی تصد

بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا

اپنا ہیلی کاپٹر گرانے والے بھارتی آفیسر کے ساتھ بھارت نے کیا سلوک کیا؟

پاکستان کو دھمکیاں دینے والے بھارت کا ہیلی کاپٹر کیسے تباہ ہوا؟ جان کر ہوں حیران

بریکنگ.بھارتی فضائیہ کا جنگی طیارہ تباہ، کیپٹن ہلاک

بھارتی فضائیہ کا جنگی طیارہ تباہ،پائلٹ ہلاک، رواں برس کتنے طیارے تباہ ہو چکے؟

وہی ہوا جس کا تھا انتظار،مودی کی مکاری،ڈرون کا الزام پاکستان پر عائد