کراچی میں نئے کرونا ویرئینٹ بی ایف سیون کی تشخیص

کراچی میں نئے کرونا ویرئینٹ بی ایف سیون کی تشخیص

کراچی میں کرونا کےنئے ویرئینٹ کی موجودگی کی تصدیق ہوگئی۔ بی ایف7ویرینٹ نےچین میں بڑےپیمانےپرلوگوں کومتاثرکیا ہے۔ دم توڑتا کرونا ایک بار پھرسراٹھانے لگا، کراچی مین کرونا کے نئےورینٹ بی ایف 7 کی موجودگی کی تصدیق ہوگئی۔ جبکہ ذرائع کا کہنا ہے کہ اس وائرس کی کراچی میں موجودگی کی تصدیق جینوم سیکوئینسنگ کےبعد تصدیق ہوئی۔ پاکستان میں اس ویریئنٹ کا یہ پہلا کیس رپورٹ ہوا ہے۔ تاہم اس حوالے سے ابھی قومی ادارہ صحت نے فلحال کوئی تصدیق یا تردید اس بارے میں نہیں کی ہے.

دوسری جانب عالمی ادارہ صحت ( ڈبلیو ایچ او) کے اعلامیہ کے مطابق کورونا وائرس کی وبا اب بھی بین الاقوامی سطح پر باعث تشویش پبلک ہیلتھ ایمرجنسی ہے جو ڈبلیو ایچ او کا سب سے زیادہ الرٹ لیول ہے۔ چینی ذرائع ابلاغ کے مطابق عالمی ادارہ صحت نے یہ اعلان دنیا بھر میں کورونا وائرس کے باعث ہفتہ واراموات میں حالیہ اضافے کےبعد کیا گیا ۔

کووڈ۔ 19 پر اپنے سہ ماہی اجلاس کے بعد ڈبلیو ایچ او کی بین الاقوامی صحت کے ضوابط (2005) کی ہنگامی کمیٹی نےاعلان کیا جس کی منظوری ڈبلیو ایچ او کے ڈائریکٹر جنرل ڈاکٹر ٹیڈروس ایڈھانوم گبریسس نے دی ہے۔ کمیٹی نے بیان میں کہا کہ کورونا وائرس ایک خطرناک متعدی بیماری ہے جو صحت کے نظام کو کافی نقصان پہنچاتی ہے۔انہوں نے کہا کہ ویکسی نیشن سے عالمی سطح پر بیماری اور اموات کے اثرات کو محدود کیا جا سکتا ہے،اس میں کوئی شک نہیں ہے کہ یہ وائرس مستقبل قریب میں انسانوں اور جانوروں میں مستقل طور پر قائم پیتھوجن رہے گا۔
مزید یہ بھی پڑھیں
امریکا جانے والا ایک شخص لاپتہ ہوگیا
شیخ رشید کی رہائش گاہ لال حویلی کو سیل کردیا گیا
بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
نگراں کابینہ غیرسیاسی اور غیر جانبدارہوگی، شوکت یوسفزئی
کمیٹی نے ممالک سے صحت عامہ کےطویل مدتی اقدامات کا مطالبہ کیا جس میں بیماری اور اموات پرکووڈ۔ 19کے اثرات کو کم کرنے پرتوجہ دی جائے۔دریں اثناکمیٹی نے ممالک کو سفارش کی کہ کورونا ویکسی نیشن کے 100فیصد اہداف حاصل کرنے چاہیئں ،ڈبلیو ایچ اوکو کورونا وائرس کی وبا کی نگرانی کے ڈیٹا کی رپورٹنگ کو بہتر بنانا چاہیے اور طبی انسدادی اقدامات جیسے ویکسین ، تشخیص اور علاج کی طویل مدتی دستیابی کو یقینی بنانا چاہیے۔