مستحق افراد کے بچوں کو آئی ٹی و دیگر تکنیکی مہارتوں سے آراستہ کرنے کیلئے کوشاں. چیئرمین بی آئی ایس پی

چیئرپرسن بینظیر انکم سپورٹ پروگرام ڈاکٹر محمد امجد ثاقب نے کہا ہے کہ بی آئی ایس پی معاشرے کے پسماندہ طبقات کی خدمت کے لیے پرعزم ہے اور اپنے مستفیدین کو انکے پاؤں پر کھڑا کرکے پروگرام سے اخراج کی حکمت عملی پر فعال طور پر کام کر رہاہے۔ مستحق افراد کے بچوں کو آئی ٹی اور دیگر تکنیکی مہارتوں سے متعلق پیشہ ورانہ تربیت سے آراستہ کرنا بی آئی ایس پی کی ترجیحات میں شامل ہے۔ انہوں نے اس بات پر زور دیا کہ یہ وژن کمزور کمیونٹیز کو بااختیار بنانے کے لیے پروگرام کے طویل مدتی عزم کا ثبوت ہے۔

جبکہ نوشہرہ میں میڈیا سے گفتگو کرتے ہوئے، ڈاکٹر محمد امجد ثاقب نے پاکستان بھر میں 93 لاکھ خاندانوں کو مالی امداد فراہم کرنے کے لیے BISP کی جاری کوششوں پر روشنی ڈالی۔ انہوں نے پروگرام کی ادائیگی کے طریقہ کار میں شفافیت اور ضرورت مندوں کی فلاح و بہبود کو بہتر بنانے کے وعدے کا اعادہ کیا۔
مخیر حضرات اور غیر منافع بخش تنظیموں سے درخواست کرتے ہوئے، ڈاکٹر محمد امجد ثاقب نے کہا کہ وہ 93 لاکھ رجسٹرڈ خاندانوں کی ترقی کے لیے BISP کے مشن میں ہاتھ بٹائیں۔ انہوں نے بی آئی ایس پی ڈیٹا بیس کو مستند قرار دیا اور شفاف چینلز کے ذریعے مخیر حضرات کے تعاون کی حوصلہ افزائی کی، انہوں نے اس بات کو تسلیم کیا کہ سماجی ترقی کے لیے اجتماعی کوششیں ضروری ہیں۔چیئرپرسن بی آئی ایس پی نے کہا کہ معاشرے کی ترقی کا انحصار ریاستی اور انفرادی وسائل دونوں کے موثر استعمال پر ہوتا ہے۔ انہوں نے اللہ تعالیٰ کی طرف سے پسماندہ افراد کی خدمت کا موقع فراہم کرنے پر اللہ کا شکر ادا کیا اور ان خواتین کی عزت و تکریم کو یقینی بنانے کے لیے BISP کے عزم کا اعادہ کیا۔

ترجمان کے مطابق قبل ازیں، ڈاکٹر محمد امجد ثاقب نے رسالپور میں پوائنٹ آف سیل (POS) رٹیلرزشاپ کا دورہ بھی کیا، جہاں انہوں نے ریٹیلرز کے ساتھ بات چیت کی، اور بی آئی ایس پی کے مستحقین کو خدمات فراہم کرنے میں درپیش چیلنجوں کے بارے میں ان کی قیمتی رائے حاصل کی۔ انہوں نے ان کی حوصلہ افزائی کی کہ وہ پروگرام کی افادیت اور کارکردگی کو بہتر بنانے کیلئے تجاویز پیش کریں۔
مزید یہ بھی پڑھیں؛
چیئرمین سینیٹ اور اخوت فاؤنڈیشن کے بانی ڈاکٹر امجد ثاقب کے درمیان پارلیمنٹ ہاؤس میں ملاقات
احتساب عدالت نے شاہد خاقان اور پرویز اشرف کو طلبی نوٹس جاری کردیئے
کپاس کی پیداوار میں 71 فیصد اضافہ
ڈالر، ایک روپے سے زائد کمی کے بعد 284.70 روپے پر آ گئی
جبکہ اپنے دورے کے دوران چیئرپرسن بی آئی ایس پی نے ریٹیلر شاپ پر خواتین مستحقین سے بھی بات چیت کی جو بینظیر کفالت پروگرام کے تحت اپنا سہ ماہی وظیفہ لینے آئیں تھیں۔ اس ملاقات کے دوران، انہوں نے رٹیلرز سے اپیل کی کہ وہ مستحق خواتین کے ساتھ حسن سلوک سے پیش آئیں اور ان خواتین کو اپنے بچے اسکول بھیجنے، درخت لگانے اور ماحول کو صاف ستھرا رکھنے کی ترغیب دیں