او آئی سی رابطہ گروپ کے ارکان کا مقبوضہ کشمیر میں جاری صورتحال پر تشویش کا اظہار

باغی ٹی وی کی رپورٹ کے مطابق نیویارک میں مقبوضہ کشمیر سے متعلق اسلامی ممالک کی تعاون تنظیم او آئی سی رابطہ گروپ کے ارکان کا اجلاس ہوا جس میں مقبوضہ کشمیر میں جاری صورتحال پر تبادلہ خیال کیا گیا۔

اجلاس میں پاکستان، سعودی عرب اور آذر بائیجان کے نمائندوں نے شرکت کی۔ نیویارک میں او آئی سی رابطہ گروپ اجلاس وزیر خارجہ شاہ محمود قریشی کی درخواست پر ہوا۔ اقوام متحدہ میں پاکستانی مندوب منیر اکرم نے وزیر خارجہ شاہ محمود قریشی کا پیغام پہنچایا۔

وزیر خارجہ شاہ محمود قریشی نے اپنے پیغام میں کہا کہ بھارت نے جارحیت کے ساتھ پاکستان کے خلاف بیان بازی تیز کر دی ہے اور بھارت نئی جارحیت کا جواز پیش کرکے فالس فلیگ آپریشن کرسکتا ہے۔

وزیر خارجہ شاہ محمود قریشی کا مزید کہنا تھا کہ بھارتی اقدامات سے علاقائی امن وسلامتی کو شدید خطرہ ہے اور بھارت مقبوضہ کشمیر میں غیر انسانی فوجی محاصرے کو فوری اٹھائے۔ بھارت وادی میں مواصلات اور نقل و حرکت کی پابندیاں ختم کرے۔

پاکستانی مندوب منیر اکرم نے کہا کہ آرایس ایس، بی جے پی حکومت نے مقبوضہ کشمیر میں مظالم کی انتہا کر دی ہے اور مقبوضہ کشمیر میں اردو زبان کی حیثیت تبدیل کرنے کی کوشش کی گئی۔

بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

او آئی سی رابطہ گروپ کے ارکان نے مقبوضہ کشمیر میں جاری صورتحال پر تشویش کا اظہار کرتے ہوئے کہا کہ اقوام متحدہ سمیت دیگر عالمی ادارے بھارت پر دباؤ ڈالیں اور سلامتی کونسل کی قراردادوں کو عملی جامہ پہنایا جائے۔

او آئی سے اجلاس سے خطاب میں وزیر خارجہ نے او آئی سی اور عالمی دنیا سے کیا بڑا مطالبہ