بھارت کے نامور کلاسیکل گلوکار پنڈت جسراج 90 برس کی عمر میں امریکہ میں انتقال کرگئے۔
باغی ٹی وی :ہندوستان ٹائمز کی رپورٹ کے مطابق بھارت کے نامور کلاسیکل گلوکار پنڈت جسراج 90 برس کی عمر میں امریکہ کی ریاست نیو جرسی میں انتقال کرگئے گلوکار کا انتقال حرکت قلب بند ہونے کے باعث ہوا۔
پنڈت جسراج بھارتی کلاسیکل موسیقی کا ایک بڑا نام تھے اور ان کا تعلق میواتی گھرانہ سے تھا پنڈت جسراج کو کلاسیکل موسیقی میں ان کے والد نے متعارف کرایا تھا اور بعدازاں انہوں نے اپنے بڑے بھائی پنڈت پرتاپ نارائن سے طبلے کی تربیت حاصل کی تھی انہوں نے 14 برس کی عمر میں کلاسیکل گلوکاری کی تربیت کا آغاز کیا تھا اور ان کا ریاض دن میں 14 گھنٹے تک جاری رہتا تھا۔
گلوکار کورونا وائرس کی عالمی وبا کے باعث بھارت میں نافذ لاک ڈاؤن کے وقت امریکہ میں مقیم تھےان کے اہل خانہ کی جانب سے جاری بیان میں کہا گیا کہ انتہائی دکھ کے ساتھ ہم اطلاع دیتے ہیں پنڈت جسراج جی، نیو جرسی میں واقع گھر میں کارڈیک اریسٹ کے باعث 17 اگست کو صبح 5 بج کر 15 منٹ پر انتقال کرگئے۔
The unfortunate demise of Pandit Jasraj Ji leaves a deep void in the Indian cultural sphere. Not only were his renditions outstanding, he also made a mark as an exceptional mentor to several other vocalists. Condolences to his family and admirers worldwide. Om Shanti. pic.twitter.com/6bIgIoTOYB
— Narendra Modi (@narendramodi) August 17, 2020
ان کی موت پر بھارتی وزیراعظم سمیت کئی نامور شخصیات نے دکھ کا اظہار کیا بھارتی وزیراعظم نریندر مودی نے ٹوئٹ کیا کہ پنڈت جسراج کی موت سے بھارت کی ثقافت میں ایک خلا پیدا ہوگیا ہے انہوں نے کئی گلوکاروں کی غیر معمولی سرپرستی بھی کی تھی ہم ان کے اہل خانہ اور دنیا بھر میں ان کے مداحوں سے اظہار تعزیت کرتے ہیں-
پنڈت جسراج کا موسیقی کا سفر 80 برس سے زائد عرصے پر محیط تھا اور انہوں نے پدما شری، پدما بھوشن اور پدما وی بھوشن جیسے اعزازات سے بھی نوازا گیا تھا۔
