پیپرز آؤٹ، وزیراعلیٰ کا نوٹس،کنٹرولر امتحانات، چیئرمین راولپنڈی بورڈ فارغ

0
21

راولپنڈی بورڈ کے تحت پیپرز آؤٹ، وزیراعلیٰ کا نوٹس،کنٹرولر امتحانات، چیئرمین راولپنڈی بورڈ فارغ

راولپنڈی بورڈ آف انٹرمیڈیٹ اینڈ سیکنڈری ایجوکیشن کے تحت پیپرز آؤٹ ہونے کا معاملہ،وزیر اعلی پنجاب حمزہ شہباز نے سخت ایکشن لے لیا

کنٹرولر امتحانات،راولپنڈی ایجوکیشن بورڈ شہنشاہ بابرخان اور چئیرمین بورڈ ڈاکٹر خالد محمود کوعہد ے سے ہٹا دیا گیا فرائض سے غفلت برتنے پرشہنشاہ بابر خان کو پیڈا ایکٹ کے تحت معطل کردیا گیا ،گورنمنٹ گورڈن کالج راولپنڈی کے اسسٹنٹ پروفیسر ناصر محمود اعوان کوکنٹرولر امتحانات کا اضافی چارج دے دیا گیا

وزیراعلیٰ حمزہ شہباز کی ہدایت پر پیپرز آؤٹ ہونے کے معاملے کی انکوائری کیلئے خصوصی کمیٹی قائم کر دی گئی ہے، ڈائریکٹر ایکسٹرنل لنکجز یونیورسٹی آف انجینئرنگ اینڈ ٹیکنالوجی لاہور پروفیسر ڈاکٹر محمد شفیق کمیٹی کے کنوینر ہوں گے ڈائریکٹر ایڈمن ڈی پی آئی کالجز صاحبزادہ فیصل خورشیداورایف آئی اے کے سائبر کرائم کا ایک ماہر کمیٹی میں شامل ہوگا کمیٹی پیپرز آؤٹ ہونے کی وجوہات اورذمہ داروں کا تعین کرے گی کمیٹی آئندہ سے پیپرزآؤٹ ہونے کے واقعات کی روک تھا م کیلئے سفارشات بھی پیش کرے گی کمیٹی 7روز میں وزیراعلیٰ کو رپورٹ پیش کرے گی کمشنر راولپنڈی ڈویژن نورالامین مینگل کو چئیرمین تعلیمی بورڈ راولپنڈی کا اضافی چارج دے دیا گیا

واضح رہے کہ راولپنڈی بورڈ میٹرک کے ریاضی پارٹ ون اور ٹو کے پیپرز امتحان سے قبل لیک ہونے پر منسوخ کر دیا گیا تھا،گزشتہ روز راولپنڈی کے ایک امتحانی مرکز میں ریاضی کا پرچہ امتحان سے قبل لیک آؤٹ ہوگیا تھا پرچہ لیک آؤٹ کرنے میں ایک ٹیچر محمد شعیب ملوث نکلا ، گرفتار کرکے تھانہ کہوٹہ میں مقدمہ درج کر لیا گیا، وزیراعلیٰ پنجاب حمزہ شہباز نے واقعہ کا نوٹس لیا تھا

دوسری جانب سندھ حکومت نے نقل اور کسی اور فرد کو امتحان میں بٹھانے والوں پر ایک سے 3 سال پابندی لگانےکا عندیہ دے دیا،وزیر جامعات سندھ اسماعیل راہو کا کہنا تھا کہ نقل اور کسی اور فرد کو امتحان میں بٹھانے والوں پر ایک سے 3سال تک پابندی ہوگی،سندھ میں نقل روکنے کے لیے مزید سخت فیصلے لینے ہونگے،بچوں کو نقل جیسی بیماری سے بچانا ہو گا، نقل کروانے والے اساتذہ، والدین اور مافیاکے خلاف ایکشن ہوگا ،سکھر کے امتحانی مراکز میں ایک دن میں 400 سےزائد موبائل فون پکڑے گئے،کراچی،حیدرآباد اور رانی پور میں 196 طالبعلم نقل کرتے پکڑے گئے کراچی،حیدرآباد اور رانی پور میں 61 افراد کسی اورکی جگہ امتحان دینے پرپکڑے گئے ،میرپورخاص میں ایک بھی نقل کا کیس سامنے نہیں آیا ٹیموں کوامتحانی مراکز میں الرٹ کردیا گیا ہےایسا قانون بنانے جارہے ہیں کہ سندھ سے مستقبل میں نقل کا خاتمہ ہوجائے،

@MumtaazAwan

پنڈورا پیپرز میں 700 لوگوں کا نام ،جو نواز شریف کے ساتھ ہوا وہی ہونا چاہئے، شاہد خاقان عباسی

پنڈورا لیکس میں پاکستانی میڈیا مالکان کے نام بھی سامنے آ گئے

پینڈورا پیپرز میں ملوث وزرا کو عمران خان فارغ نہیں کریں گے،اہم شخصیت کا دعویٰ

پنڈورا لیکس کی تحقیقات کے لیے وزیراعظم نے اعلیٰ سطح کا سیل قائم کر دیا

Leave a reply