سہ ملکی سیریز: سری لنکا کو 3 وکٹوں سے شکست,پاکستان نےسیریز جیت لی

پاکستان، سری لنکا اور انگلینڈ کے درمیان تین ملکی سیریز کے فائنل میچ میں پاکستان  نے سری لنکا کو 3 وکٹوں سے شکست دے دی۔

لاہورکے قذافی اسٹیڈیم میں کھیلے گئے میچ میں پاکستان نے سری لنکا کے خلاف ٹاس جیت کر پہلے بولنگ کرنے کا فیصلہ کیا سری لنکا نے  پہلےکھیلتے ہوئے مقررہ 50 اوورز میں 8 وکٹ پر 325 رنز اسکورکیے سری لنکا کی جانب سےکمیندو مینڈس نے 131 رنز کی اننگز کھیلی۔ ان کی اننگز میں 12 چوکے اور  2 چھکے شامل تھے۔ پون رتنائیکے نے77 اور اوشکا فرنانڈو نے 38 رنز اسکورکیے۔

پاکستان کی جانب سے سلمان آغا، شاہین آفریدی ، حارث رؤف اور نسیم شاہ نے دو، دو کھلاڑی آؤٹ کیے،پاکستان نے 326 رنز کا ہدف 49 ویں اوور میں 7 وکٹوں کے نقصان پر حاصل کرلیا پاکستان کی جانب سے فخر زمان 127 رنز بناکر نمایاں رہے جبکہ  سعد بیگ نے 74 اور عرفات منہاس نے 61 رنز بنائے، حسن نواز37 رنز بناکر ناٹ آوٹ رہے۔

پاکستان نے پہلی بار ہوم گراونڈ پر انٹرنیشنل ایونٹ جیتا ہےپاکستان نے آخری بار 2008 میں ون ڈے سہ فریقی سیریز کا ٹائٹل جیتا تھا، جب اسں نے بنگلا دیش میں فائنل میں بھارت کو شکست دی تھی۔