رنجیت سنگھ کا مجسمہ توڑنے والے ملزم کی درخواست ضمانت پر عدالت نے سنایا فیصلہ
شاہی قلعہ لاہور میں نصب مہاراجہ رنجیت سنگھ کے مجسمے کو توڑنے کا مقدمہ لاہور کی مقامی عدالت نے ملزم کی 50 ہزار روپے مچلکوں کے عوض ضمانت منظور کرلی
پراسیکیوشن نے عدالت میں کہا کہ ملزم نے شاہی قلعہ میں نصب مہاراجہ رنجیت سنگھ کے مجسمے کو توڑا، ملزم سے تفتیش مکمل کر لی گئی ، چالان جلد پیش کر دیا جائے گا، عدالت نے ملزم کی ضمانت منظور کر لی ہے ،ملزم کو سخت سیکورٹی میں عدالت پیش کیا گیا تھا ٹبی سٹی پولیس نے ملز م کوعدالت میں پیش کیا اور 14 روزہ جوڈیشل ریمانڈ پر جیل بھیجنے کی استدعا کی ۔
ملز م کے وکلا نے جر م قابل ضمانت ہونے کی بنیاد پرضمانت کی درخواست دائرکی تھی جس میں موقف اپنایا گیا کہ پولیس ملزم کے خلاف تحقیقات مکمل کرچکی ہے،ملز م سے مزید برآمدگی کی بھی توقع نہیں ہے۔ سماعت کے دوران عدالت نے پولیس کی جسمانی ریمانڈ کی استدعا مستر د کرتے ہوئے ریمارکس دیئے کہ ملزم کے خلاف دفعات قابل ضمانت ہیںعدالت نے ملزم کو 50ہزار روپے کے ضمانتی مچلکوں کے عوض رہا کرنے کا حکم جاری کردیا
شاہی قلعہ لاہور میں موجود راجہ رنجیت سنگھ کا مجسمہ ایک بار پھر توڑ دیا گیا مشتعل نوجوان نے مجسمے کو توڑ دیا راجہ رنجیت سنگھ کا مجسمہ اس سے پہلے بھی توڑا گیا تھا مجسمے کو مرمت کرکے آہنی جنگلے بھی لگائے گئے تھے
واضح رہے کہ شاہی قلعہ کی مائی جِندا کی حویلی میں راجہ رنجیت سنگھ کے مجسمے کی 27 جون کو ان کے 180ویں یوم پیدائش کے موقع پر نقاب کشائی کی گئی تھی۔کانسی سے بنے اس 9 فٹ اونچے مجسمے میں سکھ بادشاہ کو ہاتھ میں تلوار پکڑے گھوڑے پر بیٹھے جاسکتا ہے، جبکہ انہوں نے مکمل سکھ لباس زیب تن کر رکھا ہے۔
سی سی پی او لاہور غلام محمود ڈوگر کا کہنا تھا کہ رنجیت سنگھ کے مجسمے کو نقصان پہنچانے والے ملزم رضوان کو گرفتار کر لیا،ملزم کے خلاف سخت قانونی کارروائی عمل میں لائی جائے گی سی سی پی او لاہور غلام محمود ڈوگر نے ایس پی سٹی کو فوری موقعہ وزٹ کرنے کی ہدایت کی اور بتایا کہ ملزم نے ہتھوڑے سے مجسمے کو نقصان پہنچایا،
وزیرسائنس اینڈ ٹیکنالوجی فواد چوہدری نے رنجیت سنگھ کو اپنا ہیرو قرار دے دیا