شہر قائد میں 5 بچوں سمیت کرونا کے 143 مریض، کرفیوکا تیسرا دن، خلاف ورزی پر امام بارگاہ سیل

شہر قائد میں 5 بچوں سمیت کرونا کے 143 مریض، کرفیوکا تیسرا دن، خلاف ورزی پر امام بارگاہ سیل

باغی ٹی وی کی رپورٹ کے مطابق کرونا وائرس سے بچاؤ کے لئے احتیاطی تدابیر کے طور پر شہر قائد کراچی سمیت سندھ میں کرفیو کا آج تیسرا روز ہے

کراچی کی مخلتف سڑکوں پر پولیس،رینجرز اور فوج کے ناکے ہیں شہریوں کو غیر ضروری سفر کرنے سے روکا جا رہا ہے لاک ڈاون کو سنجیدہ نہ لینے والے کئی شہری سڑکوں پر موجود ہیں،شہریوں کی غفلت کی وجہ سے ناکوں پر ٹریفک جام ہو جاتی ہے،ناکوں پر شہریوں کا شناختی کارڈ چیک کر کے انہیں جانے دیاجاتا ہے، پولیس کی جانب سے شہریوں کو احتیاطی تدابیر اختیار کرنے کی ہدایت دی جارہی ہے

کراچی میں لاک داؤن کی خلاف ورزی پر ڈپٹی کمشنر ملیر کی بڑی کارروائی،ملیر میں مرکزی مسجد و امام بارگاہ جعفر طیار کو سیل کردیا گیا ،امام بارگاہ جعفر طیارہ کو تین روز کے لئے سیل کردیا گیا ،گزشتہ روز لاک داؤن کی خلاف ورزی کر کے ماتمی جلوس نکلا گیا

دوسری جانب سندھ حکومت نے کراچی میں کرونا کے 143 میں سے 122 کرونا کیسز کی میپنگ کر لی، سب سے زیادہ کیسز صدر ٹاؤن میں سامنے آئے ہیں۔ سب سے زیادہ 47 کیس صدر ٹاؤن میں رپورٹ ہوئے جب کہ گلشن اقبال میں 37، ناظم آباد میں 12 کیسز رپورٹ ہوئے۔ گلبرگ اور جمشید ٹاؤن میں کرونا کے 9،9 کیسز ملیر میں 8، لیاقت آباد میں 5، نارتھ کراچی اور گڈاپ ٹاؤن میں 2 ،لیاری میں 2 اور اورنگی ٹاؤن میں صرف ایک کیس رپورٹ ہوا

محکمہ صحت سندھ کی جانب سے کراچی میں کرونا وائرس سے متاثرہ افراد کی تفصیل بھی جاری کی گئی ہے جس کے مطابق کرادی میں زیادہ تر نوجوانوں میں کرونا وائرس کی تشخیص ہوئی ہے 64 متاثرہ مریضوں کی عمر 20 سے 40 کے درمیان ہے، 1 سے 10 سال تک کے 5 بچے بھی وائرس میں مبتلا ہیں، جب کہ 40 سے 50 سال کے 15 افراد میں وائرس کی تصدیق ہوئی، 50 سے 60 سال تک کے 17 لوگ متاثر ہوئے ہیں، 8 بزرگ افراد میں وائرس کی تصدیق ہوئی جن کی عمریں 70 سے 80 برس ہے۔

کراچی کے مختلف علاقوں میں لاک ڈائون دوران خلاف ورزی کرنے پر 122 افراد کے خلاف مقدمات کا اندراج کیا گیا۔ دوسری جانب سندھ میں لاک ڈاون کے پیش نظر رینجرز کا تیسرے روز بھی مختلف علاقوں میں فلیگ مارچ جاری ہے،دفعہ 144کی خلاف ورزی پر 372 شہریوں کو گرفتار کیا گیا۔

پاکستان میں کرونا وائرس کے مریضوں کی تعداد 1000 ہو گئی ہے

نیشنل کمانڈ اینڈ کنٹرول سنٹر کے مطابق پنجاب میں 296، سندھ میں 413،بلوچستان میں 115،کے پی میں 78، آزاد کشمیر میں ایک،گلگت بلتستان 81، اسلام آباد میں کرونا کے 16 مریض ہیں

کرونا وائرس سے اب تک پاکستان میں 7 ہلاکتیں ہو چکی ہیں جس میں سے 3 کے پئ اور ایک ایک بلوچستان، سندھ، گلگت اور پنجاب میں ہوئی ہے. گزشتہ چوبیس گھنٹوں میں کرونا وائرس کے 28 کیسز سامنے آئے ہیں، صحتیاب ہونے والے مریضوں کی تعداد 19 ہے جبکہ 5 مریضوں کی حالت تشویشناک ہے

پنجاب میں لاک ڈاؤن کا نوٹفکیشن جاری، جنازے کے لئے بھی لینی پڑے گی اجازت

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

کرونا وائرس، بھارت میں 3 کروڑ سے زائد افراد کے بے روزگار ہونے کا خدشہ

بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

لاک ڈاؤن کی خلاف ورزی پر کتنے عرصے کیلئے جانا پڑے گا جیل؟

کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

کرونا وائرس سے کس ملک کے فوج کے جنرل کی ہوئی موت؟

ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان

واضح رہے کہ کرونا وائرس سے بچاؤ کے لئے پنجاب بھر میں لاک ڈاؤن کا آج دوسرا روز ہے، پنجاب مین لاک ڈاؤن 6 اپریل تک جاری رہے گا،سندھ میں لاک ڈاؤن اک تیسرا روز ہے، سندھ میں لاک ڈاؤن مزید سخت کر دیا گیا ہے