آٹے کی قیمتوں میں اضافہ، وزیر اطلاعات نے سندھ حکومت کو ذمہ دار قرار دے دیا

باغی ٹی وی کی رپورٹ کے مطابق وفاقی وزیر اطلاعات شبلی فراز نے کہا ہے کہ وزیراعظم عمران خان ہمیشہ غریب طبقے کے لیے سوچتے ہیں،

شبلی فراز کا کہنا تھا کہ وزیراعظم کی پالیسیوں کے پیچھے سوچ کا محور غریب اور پسماندہ طبقے کی فلاح ہے،ماضی کے حکمرانوں نے ذاتی مفاد اور اشرافیہ کیلئے پالیسیاں بنائیں،وزیراعظم ماہانہ بنیاد پر مہنگائی کا جائزہ لینے کیلئے صوبائی حکام سے بریفنگ لیتے ہیں،آج وزیراعظم کی زیرصدارت مہنگائی اور روزمرہ اشیا کی قیمتوں کا جائزہ اجلاس ہوا

شبلی فراز کا مزید کہنا تھا کہ آٹا اور چینی غریب اور امیر سب استعمال کرتے ہیں،خیبر پختون خوا میں آٹے کی قیمت 900 روپے سے لے کر 1150روپے تک ہے،خیبر پختون خوا میں زیادہ تر فائن آٹے کا استعمال ہوتا ہے ،پنجاب میں20کلو آٹے کے تھیلے کی قیمت 860سے 950روپے ہے،سندھ حکومت گندم ریلیز نہیں کررہی اس وجہ سے قیمتوں میں فرق آتا ہے،سندھ میں آٹا1400سے1700روپے تک فروخت ہورہا ہے،

مارکیٹ میں ایک بار پھر آٹے کی قلت پیدا ہونے کا خدشہ،

پنجاب کے سینئر وزیر عبدالعلیم خان کا بڑا فیصلہ، پنجاب میں آٹے بحران کا خطرہ ٹل گیا

شبلی فراز کا مزید کہنا تھا کہ حکومت کی جانب سے جو اقدامات لیے گئے ہیں اس سے جلد آگاہ کروں گا،مشیر خزانہ، صوبائی وزیر علیم خان اور متعلقہ فوڈ سیکریٹریز لائحہ عمل بنار ہےہیں،تمام صوبوں میں آٹے کی یکساں قیمت سے متعلق لائحہ عمل بنایا جارہا ہے،

واضح رہے کہ وزیراعظم عمران خان نے پنجاب میں آٹے کی قیمتوں میں اضافے کا نوٹس لیا تھا،وزیراعظم عمران خان نے پنجاب حکومت کو آٹے کی قیمتوں میں استحکام لانے کی ہدایت کی ہے،وزیراعظم عمران خان نے کہا ہے کہ آٹے کی قیمت کم کر کے پرانی قیمتوں پربحال کیا جائے،آٹے کے 20 کلو تھیلے کی قیمت میں 150روپے کمی کی جائے،پنجاب حکومت آٹے کی قیمت کنٹرول کرنے کیلئے ہنگامی اقدامات کرے،

وزیراعطم عمران خان کا مزید کہنا تھا کہ ذخیرہ اندوزوں کوپکڑیں یاسبسڈی دیں،غریب کوسستاآٹافراہم کریں،ہرحال میں آٹے کی قیمت پرانی سطح پربحال کی جائے،