امریکہ:تاریخ میں پہلا فلسطینی چیف جسٹس کے عہدے پر تعینات

واشنگٹن:امریکی تاریخ میں پہلا فلسطینی نیو جرسی کی ایک عدالت کا چیف جسٹس مقرر ،اطلاعات کے مطابق فلسطینی نژاد رشیدہ طلیب کے امریکی کانگرس کا رکن منتخب ہونے کے بعد اور ایک اور فلسطینی عبدالمجید عبدالھادی امریکی ریاست نیوجرسی کے پیٹرسن شہرکی عدالت کے چیف جسٹس بن گئے ہیں۔ وہ پہلے فلسطینی ہیں‌جو امریکا میں اس اہم منصب پر فائز ہوئے ہیں۔

مرکزاطلاعات فلسطین کےمطابق عبدالمجید عبدالھادی کا امریکی تاریخ میں چیف جسٹس کے عہدے پرتعینات ہونا حیران کن تصور کیا جا رہا ہے۔ پیٹرسن شہر کے میئر انڈریہ سائگ نے ‘فیس بک’ پر پوسٹ کردہ ایک بیان میں کہا کہ انہیں کسی فلسطینی مسلمان کے امریکا میں چیف جسٹس کے عہدے پر فائز ہونے پر فخر ہے۔

اس سے قبل رشیدہ طلیب نے امریکی شہر ڈیٹرویٹ سے ڈیموکریٹک پارٹی کی ٹکٹ پر کانگرس کی رکنیت حاصل کی تھی۔رشیدہ طلیب مشرقی بیت المقدس میں بیت حنینا سے تعلق رکھتی ہیں۔ وہ امریکی ریاست مشی گن آنے سے قبل نیکاراگوا میں قیام پذیر تھیں جب کہ اس کی والدہ رام اللہ کے نواحی علاقے بیت عورف الفوقا سے تعلق رکھتی ہیں۔

کلیدی الفاظ :