امریکی سنٹرل کمانڈ کا کہنا ہے کہ افغانستان سے امریکی فوج کا 95 فیصد سے زائد انخلا مکمل ہوگیا۔

باغی ٹی وی :تفصیلات کے مطابق امریکی سنٹرل کمانڈ کا کہنا ہے کہ 984 سی 17 طیاروں کے ذریعے ضروری سامان افغانستان سے نکال لیا گیا۔ سات تنصیبات افغان وزارت دفاع کے حوالے کردی گئیں ہیں-

دوسری جانب افغان طالبان نے امریکی جرنیلوں سے جم کلب چھین لیا ایک ویڈیو سوشل میڈیا پروائرل ہوئی ہے جس میں دیکھا جاسکتا ہے کہ افغان طالبان ایک جم خانے میں امریکی جرنیلوں کے زیراستعمال جم کلب میں ورزش کرتے ہوئے دنیا کو ایک خاص پیغام پہنچا رہے ہیں‌-

افغانستان میں امریکی جم کلب جہاں ایک وقت تھا جب امریکی جرنیل ورزش کیا کرتے تھے ، اب افغان طالبان ورزش کررہے ہیں pic.twitter.com/BhisV0KoQz

— Baaghi TV باغی ٹی وی (@BaaghiTV) July 13, 2021

ادھر اس حوالے سے یہ بھی معلوم ہوا ہے کہ اس ویڈیو کو دیکھنے والوں کی تعداد میں بڑا اضافہ ہورہا ہے ، بعض صارفین نے اسے دنیا کے لیے ایک پیغام قراردیا ہے کہ فتح حق کی اورمجاہدین کی ہے بعض صارفین نے لکھا اس ویڈیو سے صاف ظاہر ہےکہ امریکہ افغانستان سے جس سرعت سے بھاگا کہ امریکیوں کوسب کچھ چھوڑ کر جانا پڑا اس ویڈیو میں چند طالبان مختلف قسم کی سرگرمیاں کرکے امریکیوں کو پیغام دے رہے ہیں‌کہ آئندہ سوچ سمجھ کرایسی غلطی کرنا ورنہ تمہارا اس سے بھی برا حال ہوگا

طالبان نے افغانستان کے مزید 2 اضلاع پر قبضہ کرلیا

ادھر افغان وزارتِ دفاع نےجھڑپوں میں ڈھائی سو سے زائد طالبان ہلاک کرنے کا دعویٰ کیا ہے۔

افغان وزارتِ دفاع کا کہنا ہے کہ اب تک کی لڑائی میں دو لاکھ افراد بے گھر اور ساڑھے تین ہزار سے زائد جاں بحق ہوچکے ہیں افغانستان میں جاری لڑائی سے متعلق امریکی میڈیا نے دعویٰ کیا ہے کہ طالبان نے ہتھیار ڈالنے والے بائیس افغان کمانڈوز کو ہلاک کردیا۔

افغان کمانڈوز کو ہلاک کرنے کی طالبان نے تردید کردی ہے رپورٹس کے مطابق غزنی کے متعدد اضلاع میں افغان فورسز اور طالبان کے درمیان جھڑپیں جاری ہیں۔

افغانستان کے 26 صوبوں میں حکومتی فورسز اور طالبان میں جھڑپیں جاری

افغان طالبان نے امریکی جرنیلوں سے جم کلب چھین لیا