اہم خبریں

علیم خان کی لندن میں نواز شریف سے ملاقات

3 سال قبل
3 سال قبل

علیم خان کی لندن میں نواز شریف سے ملاقات،علیم خان کا ترجمان بھی میدان میں آ گیا
باغی ٹی وی کی رپورٹ کے مطابق ترجمان علیم خان میاں خالد کا کہنا ہے کہ علیم خان کا دورہ برطانیہ نجی نوعیت کا ہے،لیم خان لندن میں زیر تعلیم اپنے بچوں سے ملنے گئے ہیں،دورہ برطانیہ میں ان کی سیاسی ملاقاتیں نہیں ہوئی علیم خان وطن واپسی پراپنے ساتھیوں کے ہمراہ سیاسی لائحہ عمل طے کریں گے،

تحریک انصاف کے رہنما علیم خان کی لندن میں سابق وزیراعظم نواز شریف سے ملاقات ہوئی ہے ،نجی ٹی وی اے آئی وائی نے دعویٰ کیا ہے کہ علیم خان کی لندن میں نوازشریف سے ملاقات ہوئی، ملاقات نوازشریف کے گھر پر مقامی وقت کے مطابق 6 بجے ہوئی علیم خان، نوازشریف سے ملنے کیلئے عقبی دروازے سے داخل ہوئے علیم خان نے پی ٹی آئی ارکان اسمبلی کیلئے ٹکٹ سے متعلق بات کی علیم خان کی ملاقات میں رانا ثناء اللہ نے اہم کردار ادا کیا ہے، جہانگیر ترین اس ملاقات میں موجود نہیں تھے، کچھ ایم پی ایز نے علیم خان سے فون پر رابطہ بھی کیا ہے اور کہا ہے کہ نواز شریف سے ملاقات میں پارٹی ٹکٹ کی گارنٹی لے کر آئیں، علیم خان نے نواز شریف سے ملاقات میں اراکین کے پارٹی ٹکٹ کی بات کی ہے ، رانا ثناء اللہ کے ذریعے نواز شریف سے علیم خان کا لاہور میں بھی رابطہ ہوا تھا، نجی ٹی وی کے مطابق مسلم لیگ ن اب علیم خان کو سپورٹ کرے گی، نواز شریف مسلم لیگ ن کے قائد ہیں

علیم خان کی نواز شریف سے ملاقات کے دوران ن لیگی رہنما سابق وزیر خزانہ اسحاق ڈار اور نوازشریف کے بیٹے حسن نواز اورحسین نواز بھی موجود تھے، یہ ملاقات تین گھنٹے تک جاری رہی،

علیم خان چند روز قبل لندن روانہ ہوئے تھے، علیم خان کی جہانگیر خان ترین سے بھی ملاقات متوقع تھی تا ہم جہانگیر ترین سے علیم خان کی ملاقات ابھی تک نہیں ہو سکی ہے اور اب علیم خان نے ترین کو ملے بغیر ہی واپسی کا فیصلہ کر لیا ہے ، عمران خان کے خلاف تحریک عدم اعتماد جمع ہو چکی ہے اور ترین گروپ پنجاب میں بزدار کو ہٹانا چاہتا ہے، جبکہ عمران خان بزدار کو نہیں ہٹانا چاہتے، ترین گروپ نے فیصلہ کیا ہے کہ اگر بزدار کو نہ ہٹایا گیا تو ہم اپنا فیصلہ کریں گے ،

علیم خان ترین گروپ میں شامل ہوئے تو وزیراعظم نے گورنر سندھ کو علیم خان کے منانے کا ٹاسک دیا، گورنر سندھ نے علیم خان سے ملاقات کی، وزیراعطم سے ملاقات کی پھر علیم خان سے ملاقات کی، تا ہم علیم خان کو نہ منا سکے، علیم خان کی وزیراعظم سے ملاقات نہ ہو سکی ،علیم خان نے کہا تھا کہ جہانگیر ترین سے ہی مشاورت کر کے حتمی فیصلہ کریں گے اکیلا کچھ نہیں کہہ سکتا،

علیم خان نے ترین گروپ کے اجلاس میں گفتگو کرتے ہوئے کہا کہ سیاسی جد وجہد میں ہم سب ایک دوسرے کے ہم سفر رہے ہیں 11سال پہلے پی ٹی آئی میں شامل ہوا ہم نے اکٹھا وقت گزارا ہے،ہم نے وہ وقت بھی گزارا ہے جب ہم اپوزیشن میں تھے،عہدوں کے بغیر اور ساتھ بھی وقت گزارا ہے اسحاق خاکوانی بڑے ہیں انہوں ہمیشہ بڑے ہونے کا ثبوت دیا

سینئر صحافی و تجزیہ کار عدنان عادل نے علیم خان کی نواز شرید سے ملاقات پر تبصرہ کرتے ہوئے ٹویٹ کی اور کہا ہے کہ علیم خان کے سعد رفیق سے دیرینہ کاروباری تعلقات ہیں۔ رانا ثنااللہ سے دوستی ہے۔ وہ رانا ثنااللہ کی "سرپرستی” کرتے رہے۔ اب رانا ثنااللہ نے لندن میں علیم خان کی نواز شریف سے ملاقات بھی کروادی۔ جب تک سما ٹی وی کا لائسنس نہیں ملا تھا علیم خان خاموش رہے۔ لائسنس نام ہوتے ہی بغاوت کردی۔

علیم خان کی نواز شریف سے ملاقات پر تحریک انصاف کے سینیٹر اعجاز چودھری نے تبصرہ کرتے ہوئے کہا ہے کہ *اے آر وائے پر نعیم اشرف بٹ صاحب کی خبر*
عبدالعلیم خان کی لندن میں نوازشریف سے خفیہ ملاقات ، ذرائع
ملاقات نوازشریف کےگھر پر مقامی وقت کےمطابق ساڑھے6 بجے ہوئی، ذرائع
علیم خان کو گھر کےعقبی دروازے سے داخل کیاگیا، ذرائع

(خُفیہ ملاقات اور عقبی دروازے سے داخلہ
یہ وقت بھی آنا تھا)

صحافی و تجزیہ کار اجمل جامی کہتے ہیں کہ اہم خبر! علیم خان ن لیگ کے ہمراہ چلنے کی مکمل تیاری کر چکے، ترین سے البتہ انکی ملاقات تاحال تک نہ ہونے کی اطلاع ھے،
پانچ سے چھ صوبائی وزرا کو اگلی ٹکٹوں کی یقین دہانی مع دیگر ضروری کمٹمنٹس بھی آفریں کرائیں،دو نے پلو پکڑایا بقیہ نہیں مانے۔ ابھی تک نوٹ ایبل سٹریںنتھ نہیں شو کر سکے!

عمران خان کا پیغام پہنچایا گیا تو علیم خان نے کیا دیا جواب؟

آجکی میٹنگ جہانگیر ترین کے گھر کیوں رکھی؟ علیم خان کا بڑا اعلان

وفاقی انٹیلی جنس بیورو آئی بی کے افسران کی جانب سے ہاؤسنگ سوسائٹی کے نام پر اربوں کا فراڈ

آئی بی کی ہاوسنگ اسکیم کے فراڈ پر پوسٹ لکھنے پر صحافی کا 15 سالہ پرانا فیس بک اکاؤنٹ ہیک

آئی بی افسران کی ہاؤسنگ سکیم،دس سال پہلے پلاٹ خریدنے والوں کو قبضہ نہیں ملا، نیب کہاں ہے؟ عدنان عادل

کھلاڑیوں کا کمال،بزدار آؤٹ ہونے لگے، چودھریوں کے ہاتھ بھی خالی رہ جانیکا امکان

بزدار کی کرسی بچانے کی بھی کوششیں جاری،وزراء متحرک

تحریک عدم اعتماد 48 گھنٹے سے پہلے آجائے گی،مولانا فضل الرحمان

علیم خان کی لندن روانگی طے،نواز شریف سے ہو گی ملاقات ؟ِ

اپوزیشن تیار،وزیراعظم کیخلاف عدم اعتماد کی تحریک جمع

عدم اعتماد کامیاب ہونے کے بعد کے تمام معاملات طے ہوچکے

جمہوریت بہترین انتقام ہے ،سلیکٹڈ کا وقت ختم ،بلاول

اسلام آباد کا سیاسی موسم گرم،شہباز شریف کی سراج الحق سے ملاقات

گورنر سندھ نہ منا سکے،علیم خان لندن روانہ

ٹیگز:
Shares: