فریج سے چیزیں کیوں کھائیں،گھریلو ملازموں پر تشدد، ایک کی موت، ایک شدید زخمی

0
24
فریج سے چیزیں کیوں کھائیں،گھریلو ملازموں پر تشدد، ایک کی موت، ایک شدید زخمی

لاہور کے علاقے ڈیفنس میں تشدد سے ایک کم سن گھریلو ملازم جاں بحق، دوسرا زخمی ہو گیا

پولیس کے مطابق دونون بھائی ایک سال سے ڈیفنس کے رہائشی کے گھر کام کر رہے تھے جاں بحق بچے کی عمر 12 اور زخمی ہونے والے بچے کی عمر6 سال تھی،دونوں بچوں کی حالت غیر ہونے پر ملزمان انہیں نجی اسپتال لے کر گئے اسپتال کے عملے نے بچوں کی حالت دیکھ کر پولیس کو اطلاع دی دونوں بھائیوں پر تشدد کے الزام میں گھر کے سربراہ، 2خواتین سمیت 5 افراد گرفتارکرلئے گئے ہیں گرفتار ہونے والوں میں گھر کا سربراہ، اس کی بیوی،بہو اور بیٹے شامل ہیں ،مقتول کامران کی لاش کو پوسٹ مارٹم کے لیے بھجوا دیا گیا ہے،

ملزمان نے پولیس کو بیان دیا کہ ملزمان نے بچوں کو فریج سے اشیا کھانے پر تشدد کا نشانہ بنایا،سی پی او نے واقعہ کا نوٹس لے لیا اور ایس پی کینٹ سے رپورٹ طلب کر لی،سی سی پی او لاہور کا کہنا ہے کہ بچوں پر تشدد قابل برداشت نہیں،سخت کاروائی کرینگے،پولیس نے ملزم نصر اللہ، محمود الحسن اور ملزمہ شازیہ بی بی کو گرفتار کر لیا ہے،پولیس کی مدعیت میں گھر کے پانچ افراد کے خلاف قتل اور دیگر دفعات کے تحت مقدمہ درج کیا گیا ہے

بہاولپور کا رہائشی کامران اپنے بھائی رمضان کے ساتھ ڈیفنس میں گھریلو ملازمت کرتا تھا،اہل خانہ کے بہیمانہ تشدد سے کامران جان کی بازی ہار گیا،مقتول کامران کے بھائی رضوان کا میڈیکل بھی کروایا جا رہا ہے،

وزیر اعلی پنجاب حمزہ شہباز شریف نے ڈیفنس میں کمسن گھریلو ملازمین پر تشدد کے واقعہ کا نوٹس لے لیا.وزیر اعلی پنجاب حمزہ شہباز نے انسپکٹر جنرل پولیس سے رپورٹ طلب کر لی اور کہا کہ تشدد کے ذمہ داروں کے خلاف قانون کے مطابق سخت کارروائی کی جائے۔ زخمی بچے کو علاج معالجے کی بہترین سہولتیں فراہم کی جائیں۔ معمولی واقعہ پر معصوم بچے کی جان لینا انتہائی افسوسناک اور ناقابل برداشت ہے- کیس کے حوالے سے انصاف کے تمام تقاضے پورے کئے جائیں۔ وزیر اعلی حمزہ شہباز نے جاں بحق بچے کے لواحقین سے دلی ہمدردی و اظہار افسوس کیا اور انصاف کی فراہمی کی یقین دہانی کروائی

واضح رہے کہ گھریلو ملازمین پر تشدد عام ہوتا جا رہا ہے، کم سن بچوں کو والدین ملازمت کے لئے چھوڑ جاتے ہیں اور پھر ان پر بے جا تشدد کیا جاتا ہے، حکومت کو چائلڈ پالیسی پر عمل کروانے کی ضرورت ہے، بچوں سے اجرت کروانے والوں کے خلاف کاروائی ہونی چاہئے تا کہ ایسے سانحات سے بچا جا سکے

دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

Leave a reply