اسلام آباد پولیس کا منشیات فروشوں کے خلاف کریک ڈاؤن جاری

اسلام آباد :وفاقی دارالحکومت میں بڑھتے ہوئے جرائم کے پیش نظر مجرموں کےخلاف آپریشن میں پولیس کی منشیات فروشوں کے خلاف کریک ڈاؤن جاری,جس میں پولیس کو بہت بڑی کامیابی ملی ہے، ذرائع کےمطابق یہ آپریشن آئی جی اسلام آباد کی زیرصدارت اہم اجلاس کے بعد شروع کیئے گئے ہیں‌

باغی ٹی وی کی رپورٹ کے مطابق پولیس کی اس کارروائی میں چار ملزمان گرفتار منشیات برآمد, پولیس حکام کے مطابق یہ کاروائیاں تھانہ بھارہ کہو, ترنول اور گولڑہ کے علاقے میں کی گئی ہیں, ملزمان سے 1700 گرام چرس برآمد, ملزمان میں ولی خان, محمد حسین,مروت خان اور طارق محسن شامل ہیں ،ملزمان کے خلاف مقدمات درج کرکے تفتیش شروع کردی گئی,

ادھر ذرائع کےمطابق اعلیٰ‌حکام کی صدارت میں یہ فیصلہ کیا گیا کہ اسلام آباد اورگردونواح میں منشیات فروشوں کے خلاف کریک ڈاؤن جاری رکھا جائے, ذرائع کےمطابق مجرموں کے خلاف نہ صرف کارروائی کی جارہی ہے بلکہ پولیس ریکارڈ کوچیک کرکے گروہوں کے خلاف بھی کارروائی کا فیصلہ کیا گیا ہے ،