جیک ڈورسے کا عہدہ چھوڑنے کا اعلان،ٹوئٹر کا نیا سی ای او کون ہوگا؟

0
114

سماجی رابطے کی معروف ترین ویب سائٹ ٹوئٹر کے شریک بانی جیک ڈورسے نے کمپنی کے سی ای او کی حیثیت سے الگ ہونے کا اعلان کیا ہے۔

باغی ٹی وی : حلا ہی میں سی این بی سی نے سب سے پہلے ایک رپورٹ میں جیک ڈورسے کے عہدہ چھوڑنے سے متعلق انکشاف کیا گیا تھا تاہم ، جس کی بعد ازاں کمپنی نے تصدیق کرتے ہوئے بتایا کہ سی ٹی وی پراگ اگروال سی ای او کا عہدہ سنبھالیں گے جبکہ جیک ڈورسے بورڈ آف ڈائریکٹرز میں موجود رہیں گے اوربریٹ ٹیلر بورڈ کے نئے چیئرمین کا عہدہ سنبھالیں گے۔

"سافٹ بلاک” ٹوئٹر کا صارفین کے لئے نیا پرائیویسی فیچر

جیک ڈورسے کو اس سے قبل بھی 2008 میں ٹوئٹر سی ای او کا عہدہ چھوڑنے پر مجبور کیا گیا تھا مگر وہ 2015 میں دوبارہ سی ای او بنے جیک ڈورسے اسکوائر نامی کمپنی کے سی ای او کے طور پر کام کرتے رہیں گے۔


ایک بیان میں انہوں نے بتایا میں نے ٹوئٹر کو چھوڑنے کا فیصلہ اس لیے کیا کیونکہ میرا ماننا ہے کہ کمپنی اب اپنے بانیوں کے بغیر آگے بڑھنے کے لیے تیار ہے، پراگ پر ٹوئٹر کے سی ای او کے طور پر میرا اعتماد بہت زیادہ ہے، گزشتہ 10 برسوں کے دوران ان کا کام کمپنی کو بدل دینے والا تھا’۔

ڈورسے نے پیر کو عملے کو ای میل میں مزید کہا کہ "وہ کمپنی اور اس کی ضروریات کو کتنی گہرائی سے سمجھتے ہیں اس کے پیش نظر وہ کچھ عرصے سے میری پسند رہا ہے۔ پیراگ ہر اس اہم فیصلے کے پیچھے رہا ہے جس نے اس کمپنی کو تبدیل کرنے میں مدد کی،”

واٹس ایپ،فیسبک، انسٹاگرام ڈاؤن: ٹوئٹر خوش، معروف کمپنیوں کے دلچسپ ٹوئٹس

انہوں نے کہا کہ وہ بورڈ آف ڈائریکٹر کے طور پر ٹیم کے لیے کام جاری رکھیں گے۔


پراگ اگروال نے 2011 میں ایڈ انجنیئر کے طور پر کمپنی میں شمولیت اختیار کی تھی اور 2018 میں سی ٹی او بن گئے تھے پراگ اگروال نے بھی ایک ٹوئٹ میں اپنے ساتھیوں کا شکریہ ادا کیا-

درحقیقت یہ دوسرا موقع ہے جب ڈورسے ٹوئٹر کے سی ای او کے عہدے سے دستبردار ہو رہے ہیں۔

ڈورسے نے 2006 میں بز اسٹون اور ایون ولیمز کے ساتھ مل کر ٹوئٹر کی بنیاد رکھی، اور وہ سوشل میڈیا کمپنی کے پہلے سی ای او تھے۔ وہ 2008 میں کمپنی کے بورڈ میں چیئرمین کے عہدے پر منتقل ہوگئے، اور اس وقت کے سی ای او ڈک کوسٹولو کی رخصتی کے بعد 2015 میں سی ای او کے عہدے پر واپس آئے۔

ان کی قیادت میں ٹویٹر نے بہت سے تفریحی اداروں کے ساتھ قریبی تعلقات قائم کیے، بشمول خصوصی پروگرامنگ اور لائیو کوریج کے ساتھ ساتھ اولمپکس اور فیفا ورلڈ کپ جیسے ایونٹس کے ارد گرد اشتہارات کی فروخت کی شراکت داری۔ لیکن وہ ایک متنازعہ رہنما بھی تھے-

ٹوئٹر کی اپنے صارفین کے لئے نئے پرائیوسی فیچر کی آزمائش

Leave a reply