لاہور:محکمہ خوراک نے آٹا چکیوں سے شہر میں آٹا سپلائی کرنے کا پلان مرتب کرلیا-

باغی ٹی وی :اس حوالے سے لاہور محکمہ خوراک نے مراسلہ جاری کردیا ہے مراسلے کے مطابق لاہور میں آٹا چکیوں کو محکمہ خوراک روزانہ گندم فراہم کرے گی-

فلور ملز مالکان نے کل سے پنجاب بھر میں ہڑتال کا اعلان کردیا

مراسلے میں کہا گیا ہے کہ آٹا چکیوں کو روزانہ 50کلو کے 4بیگ گندم فراہم کیے جائیں گے ڈپٹی کمشنرز آٹا چکیوں پر فی کلو آٹا کی قیمت متعین کریں گے-

واضح رہےکہ لاہور سیکریٹری خوراک اور فلور ملز ایسوسی ایشن کے درمیان تنازعہ مزید بڑھ گیا ہےفلور ملز مالکان نے کل سے پنجاب بھر میں ہڑتال کا اعلان کردیا۔

پمز اسپتال سے ڈاکٹرز کی 10رکنی ٹیم ادویات کیساتھ ترکیہ روانہ

اس حوالے سے فوڈ کنٹرولر راولپنڈی نے ڈی سی کو مراسلہ لکھا تھا مراسلے میں سیکریٹری فوڈ کی ہدایت پر،7 فلورملز مالکان کے خلاف کارروائی کرنے کا حکم دیا گیا ،مراسلے میں کہا گیا کہ فلورملز مالکان ہڑتال کیلئے دیگر ملز مالکان کو اکسا رہے ہیں،ہڑتال کے اعلان سے مارکیٹ میں مصنوعی قلت پیدا ہورہی ہے-

سیکریٹری خوراک نے 10ملز مالکان کیخلاف مقدمہ درج کرانے کی ہدایت کی ہے،نگران وزیر اعلیٰ پنجاب نے بھی سیکریٹری خوراک سے رپورٹ مانگ لی، سیکریٹری خوراک پنجاب کا کہنا ہے کہ بلیک میلنگ میں نہیں آئیں گے،شہر میں آٹے کی قلت پیدا ہونے نہیں دیں گے، لاہور میں کچھ ملیں بند ہیں-

انقلاب کی 44 ویں سالگرہ پرصدر پاکستان کی ایران کو مبارکباد