ملک ریاض بھی "انٹرویو "دینے والے ہیں،صحافی کا دعویٰ
صحافی و اینکر پرسن جاوید چودھری نے دعویٰ کیا ہے کہ بحریہ ٹاؤن کے مالک ملک ریاض بھی جلد انٹرویو دینے والے ہیں، انکا انٹرویو ریکارڈ ہو چکا یا ہونے والا ہے
جاوید چودھری نے ایک ویڈیو میں کہا ہے کہ ملک ریاض اپنے انٹرویو میں اہم رازوں سے پردہ اٹھائیں گے اور اہم انکشافات کریں گے،جاوید چودھری نے دعویٰ کیا کہ وہ ملک ریاض سے بات کرنے کے بعد انٹرویو کے مندرجات سامنے رکھ رہے ہیں،جاوید چودھری کہتے ہیں کہ ملک ریاض نے پہلی مرتبہ زبان کھولنے کا فیصلہ کیا ہے یا انہوں نے زبان کھول لی ہے، کچھ لوگوں کا کہنا ہے کہ یہ انٹرویو ریکارڈ ہوچکا ہے تاہم ملک ریاض سے رابطہ کیا تو نہ انہوں نے ہاں کی اور نہ ہی ناں کی،
جاوید چودھری کا کہنا تھا کہ ملک ریاض کا انٹرویو تین چیزوںپر ہے، سپریم کورٹ کی جانب سے بحریہ ٹاؤن کی مد میں عائد کیے جانے 460 ارب روہے کے جرمانے میں سابق چیف جسٹس ثاقب نثارکا کیا کردار تھا اورانہوں نے ملک ریاض سے کیا کیا مراعات حاصل کی تھیں؟ 2014 میں عمران خان کے دھرنے میں ملک ریاض کا کیا کردار تھا اور یہ دھرنا کس کی پلاننگ تھی ، خوراک، ادائیگیوں کے لیے رقوم اور پیغامات کہاں سے آتے تھے؟دھرنے کے دوران ملک ریاض نے نواز شریف کو پیغام بھجوایا تھا کہ وہ استعفیٰ دے دیں یا چھٹی لے کر ملک سے باہر چلے جائیں. عمران خان کے دور میں کس کا کیا کردار تھا؟ کس کے کہنے پر انہوں نے نواز شریف اور آصف علی زرداری کی ملاقاتیں بھی کروائی تھیں، اس دوران کچھ اداروں کو اندیشہ پیداہوگیا تھا کہ یہ دونوں اکٹھے ہوگئے تو عمران خان کی حکومت کو نقصان پہنچ سکتا تھا
جاوید چودھری کا کہنا ہے کہ یہ اطلاع مکمل طور پر درست ہے کہ یا تو ملک ریاض نے یہ انٹرویو ریکارڈ کروادیا ہے، یا کروا ریے ہیں یا مواد تیار کرلیا گیا ہے بہرحال یہ اسی دائرے کے گرد گھومے گا،یہ انٹرویو کسے دیا گیا یا دیا جائے گا، کس چینل پر نشر ہو گا اس بارے جاوید چودھری نے کچھ نہیں بتایا،
فرح گوگی اور محمد شاہ رنگیلے کی ہوش ربا داستان، نیا اسکینڈل، ملک ریاض گٹھ جوڑ بے نقاب
ملک ریاض کے خلاف کراچی میں مقدمہ درج
سپریم کورٹ نے ملک ریاض سمیت دیگر کو نوٹسز جاری کر دیئے
مولانا طارق جمیل کے اکاؤنٹ میں اربوں کہاں سے آئے؟ مولانا طارق جمیل کا خصوصی انٹرویو
Leave a reply
