ویڈیو:سارہ انعام قتل کیس، مرکزی ملزم کا مزید جسمانی ریمانڈ منظور

باغی ٹی وی کی رپورٹ کے مطابق اسلام آباد ہائیکورٹ میں سارہ انعام قتل کیس کی سماعت ہوئی.

پولیس نے سارہ انعام قتل کیس کے مرکزی ملزم شاہنواز امیر کو عدالت میں پیش کردیا،تفتیشی افسر نے عدالت میں کہا کہ سارہ انعام کا پاسپورٹ برآمد کرنا ہے، جس سے ان کی چہل قدمی کا علم ہو گا وکیل نے کہا کہ شاہنواز کے گھر میں سارہ انعام کا قتل ہوا،اگر 14 دن میں بھی پاسپورٹ برآمد نہ ہواتو ملزم بچ جائےگا،جج نے ریمارکس دیتے ہوئے کہا کہ تفتیش کی وجہ سے کیس خراب نہیں ہونا چاہیے ، اسلام آباد پولیس نے 3 روزہ جسمانی ریمانڈ کی استدعا کردی ، کیس کی سماعت کے بعد جوڈیشل مجسٹریٹ عامر عزیز نے مرکزی ملزم شاہنواز امیر کا مزید 3 روزہ جسمانی ریمانڈ منظور کر لیا

واضح رہے کہ صحافی ایاز امیر کے بیٹے شاہنواز امیر نے اپنی اہلیہ سارہ کو قتل کردیا تھا ایاز میر کی بہو دبئی سے واپس آئی تھی شاہنواز نشے کا عادی تھا اس نے نشے کی حالت میں اپنی بیوی کا قتل کیا۔ سارہ کا قتل بھی بالکل نور مقدم والے وحشیانہ طریقے سے کیا گیا۔ لوہے کا راڈ مارا پھر پانی کے ٹپ میں ڈبودیا۔ شاہنواز امیر کی کینیڈین نژاد سارہ سے تیسری شادی تھی مقتولہ سارہ دبئی میں ملازمت کرتی تھی اور دونوں کی تین ماہ پہلے ہی شادی ہوئی تھی مقتولہ کا سماجی رابطے کی ویب سائٹ پر شاہنواز سے رابطہ ہوا تھا، پھر دونوں نے شادی کر لی

قتل کے بعد ملزم نے اپنے والد ایاز امیر کو لاش کی تصویر بھیجی، پولیس نے ملزم کو گرفتار کر رکھا ہے، پولیس نے ایاز امیر کو بھی گرفتار کیا تھا تا ہم گزشتہ روز عدالت نے اس مقدمے سے ایاز امیر کو ڈسچارج کیا ہے