شاہد خاقان عباسی کے جسمانی ریمانڈ کی استدعا مسترد،اب جائیں گے جیل

احتساب عدالت نے سابق وزیراعظم شاہد خاقان عباسی کو جوڈیشل ریمانڈ پر جیل بھجوا دیا

باغی ٹی وی کی رپورٹ کے مطابق اسلام آباد کی احتساب عدالت میں کیس کی سماعت ہوئی، عدالت نے سابق وزیراعظم شاہد خاقان عباسی کا مزید جسمانی ریمانڈ کی استدعا مسترد کر دی اور شاہد خاقان عباسی، مفتاح اسماعیل کو جوڈیشل ریمانڈ پر جیل بھجوا دیا

شاہد خاقان عباسی نے دوران سماعت جج سے مکالمہ کرتے ہوئے کہا کہ ملزم گرفتارپہلے کرتے ہیں کیس بعد میں بناتے ہیں، یہ تماشہ ہے دو افسران کو فون کر کے دھمکایا جا رہا ہے، وعدہ معاف گواہ بننے کا کہا گیا ہے،ریمانڈ جتنا مرضی لے لیں، بنانا ری پبلک بنائی ہوئی ہے، جس پر احتساب عدالت کے جج محمد بشیر نے کہا کہ اس بار ریمانڈ نہیں دوں گا،

شاہد خاقان عباسی نے 9 صفحات پر مشتمل بیان عدالت میں جمع کروا دیا

شاہد خاقان عباسی کی پیشی کے موقع پر مسلم لیگ ن کے رہنما احسن اقبال صاحب ،مشاہد حسین سید ، جاوید عباسی ، مریم اورنگزیب، پرویز رشید، ملک ابرار، راجہ جاوید اخلاص و دیگر بھی احتساب عدالت پہنچ چکے ہیں، اس موقع پر سیکورٹی کے سخت انتظامات کئے گئے ہیں. احتساب عدالت کے اطراف میں پولیس کی بھاری نفری تعینات کی گئی ہے.

قوم سے معافی مانگتا ہوں.شاہد خاقان عباسی

گزشتہ سماعت پرشاہد خاقان عباسی کے جسمانی ریمانڈ میں 26 ستمبر تک توسیع کر دی . احتساب عدالت کے جج محمد بشیر نے فیصلہ سناتے ہوئے کہا کہ شاہد خاقان عباسی کا آخری بار ریمانڈ دے رہا ہوں،احتساب عدالت میں سابق وزیراعظم شاہد خاقان عباسی کو پیش کیا گیا، نیب نے مزید جسمانی ریمانڈ کی استدعا کی،

دوران سماعت شاہد خاقان عباسی خود روسٹرم پر آ گئے اور عدالت سے کہا کہ کل جو چیف جسٹس نے کہا بات ساری وہی ہے،یہ سارے سیاسی کیس ہیں، خدشہ ہے یہ مجھ پر جعلی کیس بنا دیں گے، نیب کو کوئی علم ہے نہ ہی کوئی کیس ہے ،

لیگی رہنما مریم اورنگزیب ،خواجہ آصف اورمیاں جاوید لطیف بھی عدالت میں موجود ہیں، انہوں نے شاہد خاقان عباسی سے ملاقات کی ہے .

شاہد خاقان عباسی کے ریمانڈ میں توسیع، آخری بار ریمانڈ دے رہا ہوں، جج

شاہد خاقان عباسی نے پروڈکشن آرڈر کے لئے سپیکر کو خط میں شرط عائد کر دی

وزیراعظم کا ویژن نواز شریف کا اے سی بند کرنا ہے ،مریم اورنگزیب