Tag: international economy

امریکی سفیر ڈونلڈ بلوم نے کہا کہ پاکستان میں امریکی سرمایہ کاری میں 50 فیصد اضافہ ہوا ہے، باہمی تجارت تقریبا 10 ارب ڈالر ہوچکی ہے-

باغی ٹی وی: لاہور چیمبر آف کامرس کے دورے کے دوران ڈونلڈ بلوم کا کہنا تھا کہ پاکستان اور امریکا کے درمیان تجارت، آئی ٹی اور زراعت میں سرمایہ کاری کے بہت مواقع ہیں پاکستان کو درپیش مسائل سے آگاہ ہیں اور اس کے تدارک کیلئے مشاورت کر رہے ہیں، ہم خواتین کی معاشی خودمختاری کیلئے ہر ممکن مدد کریں گے ۔

امریکی سفیر سے ملاقات کے موقع پر لاہور چیمبرآف کامرس کے صدر کاشف انور نے امریکی ویزہ پالیسی اور تجارت بڑھانے پر زور دیا۔

بعد ازاں امریکی سفیر ڈونلڈ بلوم نے لاہور میں آل پاکستان ٹیکسٹائل ملز ایسوسی ایشن (اپٹما) کے آفس کا بھی دورہ کیا کہا کہ ہم چاہتے ہیں پاکستان جلد معاشی طور پر اوپر آئے ہم اپٹما کے کاٹن کی دستیابی کیلئے لکھے گئے خط پر سنجیدگی سے کام کر رہے ہیں۔

انہوں نے کہا کہ حالیہ سیلاب سے جو نقصانات ہوئے ہیں اس کیلئے 20 کروڑ ڈالر مالی امداد دی روپے کی قدر گرنے سے معشیت متاثر ہو رہی ہے ہمیں تجارت اور سرمایہ کاری پر توجہ دینی ہو گی اپٹما ممبران پا امریکا تعلقات کی بہتری میں اہم کردار ادا کر ہے ہیں –

اس موقع پر چیئرمین اپٹما گوہر اعجاز نے کہا امریکی سفیر سے ہونے والی ملاقات میں کاٹن کی ڈیمانڈ‌پوری کرنے کیلئے بات ہوئی ہے امید ہے مثبت نتائج سامنےآئیں گے اسٹیٹ بینک کی جانب سے شرح سود بڑھانا آئی ایم ایف پروگرام کاحصہ تھا، یہ سخت فیصلہ ہے لیکن وقت کی ضرورت ہے۔

بزنس کمیونٹی کے عہدیداران نے کہا کہ پاکستانی مصنوعات کیلئے امریکی منڈیوں تک رسائی آسان بنانے کیلئے ٹیکس فری پالیسی دی جائے اور دیگر مسائل دور کئے جائیں-

واضح رہے کہ رواں ماہ آل پاکستان ٹیکسٹائل ملز ایسوسی ایشن نے امریکا سے کاٹن امپورٹ کیلیے 2 ارب ڈالر قرضے کی درخواست کی تھی

’اپٹما‘ کی جانب سے پاکستان میں متعین امریکی سفیر ڈونلڈ بلوم کو لکھے گئے خط میں کہا گیا تھا کہ کاٹن امپورٹ کیلیے 2 ارب ڈالر کا قرضہ پاکستان کو فراہم کیا جائے، پاکستان میں کپاس کی پیداوار تاریخ کی کم ترین سطح پر پہنچ گئی ہے، بارشوں اور سیلاب کے باعث سال بھر میں5 ملین بیلز کا نقصان ہوا، سیلاب اور بارشوں سے ہونے والی تباہی کے باعث محض کپاس کی فصل کو2 ارب ڈالر کا نقصان ہوا، جون تا اکتوبر 2022ء سیلاب کے باعث پاکستان میں 1ہزار 739 افراد جاں بحق ہوئے۔

خط میں یہ بھی لکھا تھا کہ حالیہ سیلاب کے باعث ملک کو15.2 ارب ڈالر کا معاشی نقصان ہوا، مقامی کپاس کی پیداوار انتہائی حد تک کم ہونے کے باعث ٹیکسٹائل سیکٹر کو شدید مشکلات کا سامنا ہے، رواں سیزن کیلیے پاکستان کو10 ملین کاٹن بیلز امپورٹ کرنے کی ضرورت ہے۔امریکی قرضے کی رقم سے لاکھوں لوگوں کا روزگار بچ جائے گا، قرضے سے پاکستان کے بیلنس آف پیمنٹ میں بہتری آئے گی۔

ملک بھرمیں بجلی کابریک ڈاؤن،ٹیکسٹائل صنعت بری طرح متاثر ہو گئیں-

باغی ٹی وی: آل پاکستان ٹیکسٹائل ملزایسوسی ایشن(اپٹما) کے مطابق ملک بھرمیں بجلی کے بریک ڈاؤن کی وجہ سے ایک دن میں ٹیکسٹائل سیکٹرکو70 ملین ڈالرزکانقصان ہوا –

اپٹما کا کہنا ہے کہ بجلی صورتحال پرجلد قابونہ پایا گیا توٹیکسٹائل سیکٹرکواربوں ڈالرزکانقصان ہوگا-

دوسری جانب وزیراعظم نے وزیر انرجی خرم دستگیر سے رپورٹ طلب کرلی جبکہ بجلی کی بحالی کے لئے ہنگامی اقدامات کی ہدایت جاری اور زیراعظم شہبازشریف نے حکم دیا کہ وجوہات سے وزیراعظم آفس کو تحریری طور پر آگاہ کیا جائے.

پشاور میں تاحال بیشتر فیڈرز معطل ہیں اور پشاور اور اس کے دیہی علاقوں میں کاروبار زندگی مفلوج ہو کر رہ گئی ہے جبکہ بینکوں، شاپنگ پلازوں میں پڑے جنریٹرز جواب دے گئے،طویل لوڈ شیڈنگ کے باعث کاروباری سرگرمیوں کو جاری رکھنے کے لیے جنریٹرز استعمال کیا گیا اور شہر کے پٹرول پمپوں پر رش لگ گیا۔ دوسری جانب ترجمان پیسکو کا کہنا ہے کہ سٹی، رورل اور کینٹ کے فیڈرز پر بجلی بحالی کا کام جاری ہے۔

انہوں نے کہا کہ گلبہار ،کیمپ ، سٹی گرڈ اسٹیشن کے مختلف علاقوں میں بجلی بحال کردی گئی ہے جبکہ سسٹم میں بجلی آنے کے بعد مزید علاقوں میں بحال کر دی جائے گی۔

خیال رہے کہ یشنل گرڈ میں خرابی کے باعث بجلی کے بڑے بریک ڈاؤن کے باعث کراچی سمیت مختلف شہروں میں بجلی کی فراہمی معطل ہوگئی، این پی سی سی نے وزیر توانائی خرم دستگیر کو رات دس بجے تک بجلی بحالی کی ڈیڈلائن دے دی۔

وزارت توانائی نے بیان میں کہا کہ ابتدائی اطلاعات کے مطابق آج صبح 7:34 پر نیشنل گرڈ کی سسٹم فریکوئنسی کم ہوئی جس سے بجلی کے نظام میں وسیع بریک ڈاؤن ہوا۔سسٹم کی بحالی پر کام تیزی سےجاری ہے۔وارسک سے گرڈ سٹیشنوں کی بحالی کا آغاز کر دیا گیا ہے۔

فیصل آباد، ٹوبہ ٹیک سنگھ،گوجرہ، سرگودھا، شور کوٹ، پیر محل اور ملتان ریجن سمیت دیگر کئی شہروں میں میں بجلی کی فراہمی معطل ہے۔ جبکہ ترجمان آئیسکو کا کہنا ہے کہ اسلام آباد کے 117 گرڈ اسٹیشن کو بجلی کی فراہمی معطل ہے، ریجن کنٹرول سینٹر کی جانب سے ابھی تک کوئی واضح وجہ نہیں بتائی گئی، متعلقہ حکام کے ساتھ مسلسل رابطے میں ہے۔

ذرائع نیشنل پاور کنٹرول کا کہنا تھا کہ اس وقت سسٹم مکمل طور پر بند ہے، مین لائنوں میں فالٹ کی وجہ سے پورا سسٹم بیٹھ گیا، بجلی کی بحالی میں کئی گھنٹے لگ سکتے ہیں۔

بجلی کا بریک ڈاؤن، کراچی، اسلام آباد، لاہور سمیت ملک بھر میں بجلی غائب ہو گئی. اسلام آ باد ، کراچی ،لاہور، کوئٹہ سمیت ملک کے مختلف شہروں میں بجلی معطل ہو گئی ہے۔ رپورٹ کے مطابق ملتان ریجن میں بھی سسٹم ٹرپ ہونے کے بعد مختلف علاقوں میں بجلی غائب ہو گئی ہے، آئیسکو کے 117گرڈ اسٹیشنز سے بھی بجلی غائب ہے۔ کوئٹہ سمیت بلوچستان کے 22اضلاع میں بھی بجلی بند ہو گئی ہے۔

کوئٹہ الیکٹرک سپلائی کمپنی کے حکّام کے مطابق گڈو سے کوئٹہ آنے والی بجلی کی دونوں ٹرانسمیشن لائنیں ٹرپ کرگئی ہیں۔ کیسکو حکّام کا کہنا ہے کہ فنی خرابی سے متعلق معلومات لی جارہی ہے۔ لاہو رمیں مال روڈ اور کینال روڈ سمیت مختلف علاقو ں میں بجلی معطل ہے جبکہ لاہور ہی میں شادمان، باغبان پورہ، حسن ٹاون، اعوان ٹاون، اقبال ٹاون میں بھی بجلی بند ہو گئی ہے۔ پاور پلانٹس بند ہونے سے صوبہ سندھ کے اضلاع ، جنوبی پنجاب ، سیبٹرل پنجاب ، لیسکو کے زیادہ تر علاقے اور آئیسکو ریجن کے زیادہ تر علاقوں میں بجلی بند ہے.