بشریٰ بی بی،خاورمانیکا،طلاق کا ریکارڈ طلب کرنے کی درخواست مسترد

0
165
lahore high court

لاہور ہائیکورٹ : سابق خاتون اول بشری بی بی اور خاور مانیکا کی طلاق کا معاملہ،بشری بی بی اور خاور مانیکا کی طلاق کا ریکارڈ طلب کرنے کیلیے درخواست پر سماعت ہوئی،

عدالت نے درخواست ناقابل سماعت قرار دیتے ہوئے مسترد کر دی، عدالت نے کہا کہ درخواست گزار متاثرہ فریق نہیں ہے ،صرف متاثرہ فریق ہی عدالت آسکتا ہے ،عدالت نے دوران سماعت درخواست گزار کو غیر متعلقہ گفتگو کرنے سے روک دیا ،عدالت نے کہا کہ آپ متاثرہ فریق نہیں ہیں ،آفاق احمد نے کہا کہ اگر حکومت ایکشن نہیں لیتی تو شہری عدالت آ سکتا ہے۔ عدالت نے استفسار کیا کہ آپ کس طرح متاثرہ فریق ہیں، آفاق ایڈوکیٹ نے کہا کہ یہ مفاد عامہ کی درخواست ہے۔ عدالت نے استفسار کیا کہ آپ نے کس قانون کے تحت درخواست دائر کی ۔یہ فریقیں کے درمیان گھریلو جھگڑا ہے ،عدالت سوشل میڈیا کی خبروں پر انحصار نہیں کر سکتی، آپکو کس چیز کی ٹینشن ہے جو یہاں آ گئے،درخواست گزار نے کہا کہ یہاں اس طرح کے معاملات پر کوئی ٹینشن نہیں لیتا ،عدالت نے کہا کہ یہ مفاد عامہ کی درخواست نہیں بنتی،آپ بھی اسطرح کی شادی کر لیں، درخواست گزار نے کہا کہ شرعی عدت ا ور لیگل عدت میں فرق ہوتا ہے ،عدالت نے ریمارکس دیتے ہوئے کہا کہ آپ خبریں غور سے نہیں پڑھتے ،

ایڈیشنل ایڈووکیٹ جنرل پنجاب غلام سرور نہنگ عدالت میں پیش ہوئے،جسٹس علی باقر نجفی نے آفاق ایڈووکیٹ کی درخواست پر سماعت کی،درخواست میں چیئرمین پی ٹی آئی، بشری بی بی، خاور مانیکا کو فریق بنایا گیا ہے،درخواست میں حکومت پنجاب، الیکشن کمیشن سمیت دیگر کو فریق بنایا گیا ہے، درخواست میں موقف اختیار کیا گیا ہے کہ قانون کے مطابق طلاق یونین کونسل میں رجسٹرڈ ہونے کے بعد موثر ہوتی ہے،طلاق کی دستاویزات متعلقہ یو سی جمع ہونے کے بعد عدت کا دورانیہ شروع ہوتا ہے ،خاور مانیکا اور بشری بی بی کی طلاق میں قانونی تقاضے پورے نہیں کیے گئے، خاور مانیکا نے ٹی وی پروگرام میں عدت پوری نہ ہونے کا انکشاف کیا ،عدالت خاور مانیکا کو وضاحت کیلئے طلب کرے ،عدالت حکومت پنجاب سے یونین کونسل کا ریکارڈ طلب کرے،

پی ٹی آئی میں بشریٰ بی بی کی ڈکٹیٹر شپ،تحریک انصاف کا سیاسی کلچر تباہ

پی ٹی آئی چیئرمین کیسا ہو، بشریٰ بی بی جیسا ہو،علیمہ باجی کا پارٹی پر قبضہ نامنظور ،نعرے لگ گئے

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

بشریٰ بی بی کی سڑک پر دوڑیں، مکافات عمل،نواز شریف کی نئی ضد، الیکشن ہونگے؟

جعلی رسیدیں، ضمانت کیس، بشریٰ بی بی آج عدالت پیش نہ ہوئیں

عمران خان، بشریٰ بی بی نے جان بوجھ کر غیر شرعی نکاح پڑھوایا،مفتی سعید کا بیان قلمبند

 اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

Leave a reply