امیتابھ بچن کے ڈیجیٹل اثاثوں کی نیلامی

0
22

بالی ووڈ لیجنڈری اداکار امیتابھ بچن نے اپنے ڈیجیٹل اثاثے نیلام کرنے کا فیصلہ کیا ہے-

باغی ٹی وی : بھارتی میڈیا کے مطابق میگا اسٹار امیتابھ بچن نے نان فنجیبل ٹوکن (این ایف ٹی) پر اپنے ماضی کی بنائی ہوئی یادگار چیزیں فروخت کرنے کا اعلان کیا ہے79 سالہ اداکار کا کہنا ہے کہ این ایف ٹی میرے مداحوں کو موقع دے گا کہ وہ میری زندگی کے یادگار لمحات میں استعمال میں رہنے والی چیزوں کے مالک بن سکیں۔

رپورٹس کے مطابق امیتابھ بچن کے ورچوئل اثاثوں کی نیلامی میں ان کے فلمی ڈائیلاگز کی آڈیو، شاعری اور فلموں کی تصاویر شامل ہیں یہ نیلامی 3 دن تک عالمی سطح پر بولی لگانے والوں کے لیے جاری رہے گی امیتابھ کے ڈیجیٹل اثاثوں کی نیلامی تین دنوں تک عالمی سطح پر بولی لگانے والوں کے لیے کھلی ہوگی، جو بدھ کی شام ساڑھے 6 بجے ختم ہوجائے گی۔

امیتابھ بچن کے فیصلے کے بعد سلمان خان سمیت بالی ووڈ کے کئی اداکار اور کرکٹ ٹیم کے کھلاڑی رشبھ پنت بھی این ایف ٹی کے ساتھ معاہدہ کرنے کا سوچ رہے ہیں –

واضح رہے کہ حالیہ مہینوں میں این ایف ٹی کی منفرد ڈیجیٹل اشیا کی مقبولیت میں اضافہ ہوا ہے جبکہ بگ بی بھارت کے پہلی شوبز شخصیت ہیں جو نان فن جیبل ٹوکن (این ایف ٹی ) پر اپنے ماضی کی بنائی ہوئی کچھ یادگار چیزیں فروخت کریں گے۔

Leave a reply