پاکستان کے بعد بنگلہ دیش کرکٹ بورڈ کا پاکستان کے خلاف ٹیسٹ اسکواڈ کا اعلان

ڈھاکہ :بنگلہ دیش کرکٹ بورڈ کا پاکستان کے خلاف ٹیسٹ اسکواڈ کا اعلان ،اطلاعات کےمطابق پاکستان کے ساتھ ٹیسٹ سیریز کھیلنے کے لیے بنگلہ دیش کرکٹ بورڈ نے پاکستان کے خلاف ٹیسٹ اسکواڈ کا اعلان کردیا ہے۔

بنگلہ دیش کرکٹ بورڈ کے مطابق بنگلہ دیش ٹیسٹ اسکواڈ میخ مومن الحق کپتان، تمیم اقبال، سیف حسن، نجم حسین شانتو، محمود اللہ، ایم ڈی مٹھن شامل ہیں۔بنگلہ دیش ٹیسٹ اسکواڈ میں لٹن کمار داس، تیج الاسلام، نعیم حسن، عبادت حسین، ابو جاوید چوہدری، الامین حسین، ربل حسین، سومیا سرکار شامل ہیں۔

دوسری جانب پاکستان کرکٹ بورڈ نے بھی بنگلہ دیش کے خلاف 16 رکنی قومی ٹیسٹ اسکواڈ کا اعلان کر دیا ہے۔سری لنکا کے خلاف قومی ٹیسٹ اسکواڈ میں شامل کاشف بھٹی اور عثمان شنواری کو اسکواڈ سے ڈراپ کر دیا گیا اور ان کی جگہ بلال آصف اور فہیم اشرف کو موقع دیا گیا ہے ۔

ہیڈ کوچ مصباح الحق نے پریس کانفرنس میں بتایا کہ ٹیم پرفارم کر رہی ہے اس لیے زیادہ تبدیلیاں نہیں کر رہے۔ مخالف ٹیم کو کبھی بھی آسان ہدف نہیں سمجھنا چاہیےاس لیے ہماری کوشش ہوتی اچھی ٹیم میدان میں لائی جائے۔

بنگلہ دیش ٹیسٹ میچ میں پاکستان ٹیم کیلے مشکل ثابت ہو سکتی ہے ٹیسٹ سیریز میں آگے جانے کیلئے بنگلہ دیش کے خلاف ٹیسٹ میچ جیتنا ہوں گا جس کے لیے بیٹنگ اور باولنگ میں بہتری لانا ہوگی۔