گھر میں راشن نہیں،سات ماہ کا کرایہ مکان نہ دیا،شہری نے بیوی بچوں کو زہردے دی
![crime](https://baaghitv.com/wp-content/uploads/2024/06/edhi-crime-scene-jpg.webp)
غربت،مہنگائی، شہری خود کشیاں کرنے لگے، لاہور میں ایک شہری نے بیوی بچوں سمیت سات افراد کو زہریلی گولیاں کھلا دیں
واقعہ لاہور کے علاقے شاہدرہ ٹاؤن میں پیش آیا ،غربت کی وجہ سے گھر کے سربراہ نے اپنے گھروالوں کو زہریلی گولیاں کھلا دیں، ملزم نے بیوی اور بچوں کو گولیاں کھلائیں اور مارنے کی کوشش کی، اطلاع پر پولیس موقع پر پہنچ گئی، پولیس حکام کے مطابق ملزم نے اپنے گھر کے سات افراد کو زہریلی گولیاں کھلائیں، زہریلی گولیاں کھانے سے تمام افراد بیہوش ہو گئے جن کو طبی امداد کے لئے ہسپتال منتقل کیا گیا، تمام متاثرہ افراد کی حالت خطرے سے باہر ہے.
ترجمان سٹی ڈویژن پولیس کے مطابق پولیس نے فوری طور پر پوری فیملی کو اسپتال منتقل کیا جس کے بعد اب ان کی حالت خطرے سے باہر ہے،شہری نے پولیس کو کہا کہ اس کے گھر میں راشن کا ایک دانہ تک نہیں ہے، کرائے کے گھر میں رہتا ہوں، نوکری ملی نہ مزدوری، سات ماہ سے گھر کا کرایہ بھی نہیں دیا، غربت کی وجہ سے ایسا قدم اٹھایا،اپنے بیوی بچوں کو خود زہر کھلایا،
مہنگائی ،غربت کی وجہ سے آئے روز خود کشیوں میں اضافہ ہو رہا ہے، چند روز قبل لاہور میں 3 ماہ سے تنخواہ سے محروم شخص نے بجلی کا بھاری بل آنے پر خود کشی کر لی تھی، لاہور ہائیکورٹ بار ایسوسی ایشن کے ملازم محمد خالد نے بی آر بی نہر میں چھلانگ لگائی،اہلخانہ کے مطابق خالد کئی دنوں سے پریشان تھا اور اُسے تین ماہ سے تنخواہ نہیں ملی تھی جس کے باعث وہ بجلی کا بل ادا کرنے سے قاصر تھا،کوئی بھی بجلی بل یا گھریلو معاملات میں خالد کی مدد نہیں کر رہا تھا، وہ دکانوں سے ادھار سامان اور قرض لے کر گزارا کر رہا تھا، جس کی وجہ سے گھر میں اکثر لڑائی جھگڑا رہتا تھا، معاشی حالات اور تنگدستی کی وجہ سے بیوی بھی خالد کو چھوڑ گئی تھی، اُس کے پانچ بچے ہیں جبکہ وہ کرائے کے گھر میں رہائش پذیر تھا۔
قبل ازیں پنجاب کے شہر ٹیکسلا میں بھی بجلی کے بھاری بل کی وجہ سے 2 بچوں کے باپ کی خود کشی کا واقعہ سامنے آیا تھا۔ پنجاب کے شہر ٹیکسلا تھانے کی حدود میں ڈھوک سادو کے علاقے میں بجلی کا بھاری بل ادا نہ کرنے پر ایک شخص نے پنکھے سے لٹک کر خودکشی کر لی تھی،دو بچوں کا باپ ملک طاہر گزشتہ چار ماہ سے بے روزگار تھا اور بجلی کے بل کی مقررہ تاریخ گزر جانے کی وجہ سے پریشان تھا،پنجاب کے شہر گوجرانوالہ میں بھی ایک خاتون نے علاج کے پیسے بجلی کے بل کی ادائیگی میں خرچ ہونے پر دلبرداشتہ ہو کر خود کشی کر لی تھی،پنجاب کے شہر چشتیاں میں بجلی کا بل زیادہ آیا تو بھائی نے دوسرے بھائی کو آدھا بل دینے کو کہا، بھائی نے کم پیسے دیئے تو بھائی نے کمرے کی بجلی کاٹ دی، واقعہ چشتیاں کے بھٹہ کالونی میں پیش آیا، بجلی کے پیسےکم دینے اور پھر بجلی کٹ جانے کے بعد نوجوان نے دلبرداشتہ ہو کر خود کشی کر لی،نوجوان نے زہریلی گولیاں کھا لیں اور اپنی زندگی کا خاتمہ کر لیا
خلیل الرحمان قمر پر تشدد کرنیوالے ریکارڈ یافتہ ملزم نکلے
خلیل الرحمان قمر کی نازیبا ویڈیو لیک ہو گئیں
خلیل الرحمان قمر کیس،مرکزی ملزم حسن شاہ گرفتار
خلیل الرحمان قمر کے اغوا کی کہانی،مکمل حقائق،ڈرامہ نگاری سے ڈرامائی بیان
خلیل الرحمان قمر کے اغوا کے پیچھے کون؟
خلیل الرحمان قمر پر تشدد میں ملوث خاتون سمیت 12 ملزمان گرفتار
خلیل الرحمان قمر کی برابری کی خواہش آمنہ نے پوری کر دی
خلیل الرحمان قمر کی نازیبا ویڈیو،تصاویر بھی خاتون کے پاس موجود ہیں،دعویٰ
خلیل الرحمان قمر سے فون پر چیٹ،تصاویر کا تبادلہ،پھر اس نے ملنے کا کہا،ملزمہ کا بیان
خواتین آدھے کپڑے پہن کر مردوںکو ہراساں کررہی ہیں خلیل الرحمان قمر
سونیا کی جرائت کیسے ہوئی وہ کہے کہ اس نے میرے پاس تم ہو رد کیا خلیل الرحمان قمر
اچھی بیوی کون ہوتی ہے خلیل الرحمان قمر نے بتا دیا
خلیل الرحمان قمر نے پہلا لو لیٹر کس کو اور کس عمر میں لکھا
خلیل الرحمان قمر کو اپنے حسن کی اداؤں سے لوٹنے والی آمنہ کی تصاویر
خلیل الرحمان قمر اور آمنہ کی نازیبا ویڈیوز؟ ڈاکٹر عمر عادل کی نس بندی ہونی چاہئے
ہمارے پاس ویڈیوز،خلیل الرحمان قمر آمنہ سے فزیکل ہونا چاہتا تھا،حسن شاہ کا دعوٰی