جہاز اور بسوں کو اجازت مل گئی ریلوے کونہ ملی، شیخ رشید نے بڑا اعلان کر دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا ہے کہ جہاز اور بسوں کو اجازت دی گئی ،ریلوے چلانے کی اجازت نہیں ملی،اجازت مل گئی تو لوگوں گھروں تک پہنچائیں گے،

شیخ رشید احمد نے لاہور میں ہفتہ وار اجلاس کے بعد میڈیا بریفنگ میں کہا کہ پیر تک ٹرینیں چلانے کی اجازت دے دی جائی ،نہیں تو رش کنٹرول نہیں ہو گا،اب تک 24کروڑ روپے کے آئن لائن ٹکٹ خریدے جا چکے ہیں،اجازت نہ ملی تو 24کروڑ روپے واپس کرنے پڑیں گے اجازت مل گئی تو لوگوں کو گھروں تک پہنچائیں گے،

شیخ رشید احمد کا مزید کہنا تھا کہ ٹرین کے سفر کیلیے ایس او پیز بنا لیے ہیں ،جلد اعلان نہ ہوا تو عید پر ٹرینیں نہیں چلا سکیں گے،منگل تک اجازت ملی تو24گھنٹے کے نوٹس پر ٹرین چلا دیں گے،ٹرینیں نہ چلیں تو عید کے15روز بعدٹکٹوں کے پیسے واپس کریں گے

شیخ رشید احمد کا مزید کہنا تھا کہ عید کے بعد نیب جھاڑو پھیر دے گا،چھوٹی عید کے بعد دونو ں طرف گرفتاریاں ہوں گی، لاک ڈاوَن شہباز شریف کیلیے لاک اپ کا پروگرام ہے،نیب قانون میں ترمیم پر سپورٹ نہیں کروَں گا،نیب کےقانون میں ترمیم کرنے سےپیغام جائےگاکہ ہم خوف زدہ ہیں،عمران خان کی کوئی اپوزیشن نہیں،یہ ٹی وی ٹی وی کھیل رہےہیں،شہبازشریف اپنے ٹریک پر خود پھنس گئے،انہیں کاغذ لانے کی اجازت نہیں ملےگی،

کرونا وائرس کا خدشہ، مساجد کو تالے لگ گئے، نمازیں گھر پر پڑھنے کا حکم

شیخ رشید احمد کا مزید کہنا تھا کہ چوروں اور لٹیروں کو کھینچ کے رکھنا چاہیے،دو بڑی اپوزیشن جماعتوں پیپلزپارٹی اور ن لیگ میں دم ہی نہیں ہے،روایتی سیاست دان اقتدار کی سیاست کو ترجیح دیتےہیں جمالی نے بھی ایک ووٹ سےحکومت کی تھی، 31جولائی سے پہلے پہلے جھاڑو پھر جائے گا،چھوٹی عیدپرقربانی نہیں،گرفتاریاں ہوں گی،

شیخ رشید احمد کا مزید کہنا تھا کہ پیپلزپارٹی اور(ن)لیگ نےفضل الرحمان کواستعمال کیا،اگرمونس الہٰی نےجہانگیرترین سے ملاقات کی ہےتواچھی بات ہےچودھری سمجھ دارلوگ ہیں گیلی جگہ پرپاؤں نہیں رکھتےشہبازشریف اپناسوفٹ ویئر بدلے توہی بچ سکتاہے،میں ایک بیان دوں توجواب میں ایک بیان آئےگایہ اپوزیشن ہے،اپوزیشن میڈیامیڈیاکھیل رہی ہے،صرف بیان جاری کر دیتی ہے،

شہباز شریف لندن کیا بھول آئے؟ دوبارہ لندن جانے کی اجازت ملے گی؟ شیخ رشید کا بڑا دعویٰ